നാദാപുരം: കൈപ്പന്തിന്റെ കരുത്ത് കാരുണ്യത്തിന് കൈത്താങ്ങ് എന്ന സന്ദേശം ഉയർത്തി എ. കണാരൻ ചാരിറ്റബിൾ ട്രസ്റ്റിന്റെ ആഭിമുഖ്യത്തിൽ നാദാപുരത്ത് നടക്കുന്ന വോളി മേളയുടെ മൂന്നാം ദിനം ജനകീയപങ്കാളിത്തം കൊണ്ട് ശ്രദ്ധേയമായി.
സർവകക്ഷി കൂട്ടായ്മയിൽ നാദാപുരത്തെ ജനങ്ങളുടെ ഐക്യവും സൗഹൃദവും ഊട്ടി ഉറപ്പിക്കുകയാണ് വോളി മേള കൊണ്ട് ഉദ്ദേശിക്കുന്നത്.
ഈ കൂട്ടായ്മ വരും ദിനങ്ങളിൽ നാദാപുരത്തിന്റെ വികസനത്തിനും മുതൽക്കൂട്ടാവുമെന്നാണ് വിലയിരുത്തപ്പെടുന്നത്.
ഞായറാഴ്ച രാത്രി നടന്ന വനിതാ വിഭാഗം മത്സരത്തിൽ വോളി അക്കാഡമി കക്കട്ടിൽ എതിരില്ലാത്ത മൂന്ന് സെറ്റുകൾക്ക് സെന്റ് ജോസഫ്സ് കോളജ് ഇരിങ്ങാലക്കുടയെയും പുരുഷ വിഭാഗത്തിൽ ദോസ്താന പാറക്കടവ് മൊബൈൽ സിറ്റി ആലങ്കോടിനെയും പരാജയപ്പെടുത്തി.
ഇന്ന് വനിതാ വിഭാഗത്തിൽ സെന്റ് ജോസഫ്സ് കോളജ് ഇരിങ്ങാലക്കുട സായ് സെന്റർ തിരുവനന്തപുരവുമായി ഏറ്റുമുട്ടും.
വോളി മേള ജനകീയമേളയായി
12:23 AM Mar 28, 2017 | Deepika.com