കോഴിക്കോട്: തലാസീമിയ രോഗികളായ കുട്ടികൾക്ക് തലാസീമിൽ ഇന്ത്യ എന്ന സംഘടന പ്രഖ്യാപിച്ച 10 ലക്ഷം രൂപയുടെ സഹായം ഉപയോഗപ്പെടുത്തി മജ്ജമാറ്റിവയ്ക്കൽ ശസ്ത്രക്രിയ നടത്താൻ ബ്ലഡ് പേഷ്യന്റ്സ് പ്രൊട്ടക്്ഷൻ കൗൺസിൽ പൊതുജനങ്ങളുടെയും സന്നദ്ധ സംഘടനകളുടെയും സഹായം തേടും. 10 വയസിന് താഴെയുള്ള അർഹരായ രാജ്യത്തെ മുഴുവൻ കുട്ടികളുടെയും മജ്ജമാറ്റിവയ്ക്കുന്നതിനാണ് സഹായം പ്രഖ്യാപിച്ചിട്ടുള്ളത്. അർഹത തെളിയിക്കുന്നതിന് യോജിച്ച മജ്ജയുണ്ടെന്ന് തെളിയിക്കുന്ന രേഖ അപേക്ഷയോടൊപ്പം സമർപ്പിക്കേണ്ടതുണ്ട്. മജ്ജ യോജിക്കുന്നതാണോ എന്നറിയാൻ എച്ച്എൽഎ പരിശോധന നടത്തേണ്ടതുണ്ട്. ഇന്ന് രോഗിയുടെ കുടുംബം തന്നെ ചെയ്യണം.
എന്നാൽ വെല്ലൂരിൽ പോയി ഇത് ചെയ്യാൻ സാന്പത്തിക പരാധീനതമൂലം കഴിയാത്ത അവസ്ഥയാണ്. ഈ സാഹചര്യത്തിലാണ് കൗൺസിൽ പൊതുജനങ്ങളുടെയും സന്നദ്ധ സംഘടനകളുടെയും സഹായം തേടുന്നത്. കൂടുതൽ വിവരങ്ങൾക്ക് കരീം കാരശേരി, ജനറൽ കൺവീനർ, ബ്ലഡ് പേഷ്യന്റ്സ് പ്രൊട്ടക്്ഷൻ കൗൺസിൽ, കേരള. ഫോൺ 9447019182.
മജ്ജ മാറ്റിവയ്ക്കൽ ശസ്ത്രക്രിയ: പൊതുജനങ്ങളിൽ നിന്നും സഹായം തേടും
12:26 AM Mar 22, 2017 | Deepika.com