ജില്ലാ ശിശുക്ഷേമ സമിതി ഭാരവാഹികൾ ചുമതലയേറ്റു
12:26 AM Mar 22, 2017 | Deepika.com
കോഴിക്കോട്: ജില്ലാ ശിശുക്ഷേമ സമിതിയുടെ തെരഞ്ഞെടുക്കപ്പെട്ട ഭാരവാഹികളായി കാനങ്ങോട്ട് ഹരിദാസൻ (പ്രസിഡന്റ്), കെ. വിജയൻ (സെക്രട്ടറി), വി.ടി. സുരേഷ് (ജോയിന്റ് സെക്രട്ടറി) പി. രജനി (ട്രഷറർ). എ.കെ. ഉണ്ണികൃഷ്ണൻ, വി. സുന്ദരൻ, സി. അശോകൻ, യു.കെ. ഭാസ്കരൻ (എക്സിക്യുട്ടീവ് കമ്മറ്റി അംഗങ്ങൾ) എന്നിവർ റിട്ടേണിംഗ് ഓഫീസർ പി. ജയലക്ഷമി മുന്പാകെ സത്യപ്രതിജ്ഞ ചെയ്ത് അധികാരമേറ്റു. ജില്ലാ കളക്ടർ, പ്രസിഡന്റ് എഡിസി (ജനറൽ) വൈസ് പ്രസിഡന്റുമായ സമിതിയിൽ ജില്ലാ ഇൻഫർമേഷൻ ഓഫീസർ, ജില്ലാ മെഡിക്കൽ ഓഫീസർ, ജില്ലാ സാമൂഹ്യനീതി വകുപ്പ് ഓഫീസർ, ഡിഡിഇ എന്നിവർ എക്സ് ഒഫീഷ്യോ അംഗങ്ങളാണ്. ശിശുക്ഷേമ സമിതി സംസ്ഥാന ജോയിന്റ് സെക്രട്ടറി പി.എം. ഭാരതി ചടങ്ങിൽ പങ്കെടുത്തു.