കെ-​സ്വി​ഫ്റ്റ് ഓ​ടി​ക്കാ​ൻ വ​നി​ത​ക​ൾ​ക്ക് കാ​റി​ൽ ഡ്രൈ​വിം​ഗ് ടെ​സ്റ്റ്

ചാ​ത്ത​ന്നൂ​ർ: കെ-സ്വി​ഫ്റ്റി​ന്‍റെ ബ​സ് ഓ​ടി​ക്കാ​ൻ കാ​റി​ൽ ഡ്രൈ​വിം​ഗ് ടെ​സ്റ്റ്. ഹെ​വി വാ​ഹ​ന​മാ​യ ബ​സ് ഓ​ടി​ക്കു​ന്ന​തി​ന് ബ​സ് ഓ​ടി​ച്ചു ത​ന്നെ ടെ​സ്റ്റ് ന​ട​ത്തു​ന്ന​തി​ന് പ​ക​ര​മാ​യാ​ണ് കാ​ർ ഉ​പ​യോ​ഗി​ച്ച് ടെ​സ്റ്റ് ന​ട​ത്തി​യ​ത്. എ​ച്ച് എ​ടു​ത്ത​തും റോ​ഡ് ടെ​സ്റ്റ് ന​ട​ത്തി​യ​തും ആ​ൾ​ട്ടോ കാ​റി​ൽ.

തി​രു​വ​ന​ന്ത​പു​രം പാ​പ്പ​നം​കോ​ട് വ​ച്ച് ഇ​ന്ന് രാ​വി​ലെ​യാ​യി​രു​ന്നു ഇ​ത്ത​ര​മൊ​രു വി​ചി​ത്ര ടെ​സ്റ്റ്. കെ ​സ്വി​ഫ്റ്റി​ൽ നാ​നൂ​റോ​ളം വ​നി​താ ഡ്രൈ​വ​ർ കം ​ക​ണ്ട​ക്ട​ർ​മാ​രെ നി​യ​മി​ക്കു​ന്ന​തി​ന്‍റെ ഭാ​ഗ​മാ​യി​ട്ടാ​യി​രു​ന്നു ടെ​സ്റ്റ്.

ത​ല​സ്ഥാ​ന ന​ഗ​ര​ത്തി​ൽ ഹ​രി​ത​ന​ഗ​രം പ​ദ്ധ​തി​യു​ടെ ഭാ​ഗ​മാ​യി ഇ​ല​ക്‌ട്രിക് ബ​സു​ക​ൾ ഓ​ടി​ക്കാ​നാ​ണ് വ​നി​ത​ക​ളെ നി​യ​മി​ക്കു​ന്ന​ത്. ഇ​പ്പോ​ൾ കെ ​സ്വി​ഫ്റ്റി​ന് നി​ല​വി​ലു​ള്ള 63 ഓ​ളം ഇ​ല​ക്‌ട്രിക് ബ​സു​ക​ളി​ൽ വ​നി​ത​ക​ളെ നി​യ​മി​ക്കാ​നാ​ണ് പ​ദ്ധ​തി.

കേ​ന്ദ്ര സ​ർ​ക്കാ​രി​ന്‍റെ സ്മാ​ർ​ട്ട് സി​റ്റി പ​ദ്ധ​തി പ്ര​കാ​രം 132 ഇ​ല​ക്‌ട്രിക് ബ​സു​ക​ളും ഉ​ട​ൻ ല​ഭി​ക്കും. ഇ​തും സ​ർ​വീ​സ് ന​ട​ത്താ​നാ​യി കെ-സ്വി​ഫ്റ്റി​ന് കൈ​മാ​റും. അ​തി​ലും വ​നി​ത ഡ്രൈ​വ​ർ​മാ​രാ​യി​രി​ക്കും.

മു​പ്പ​തോ​ളം വ​നി​ത​ക​ളാ​ണ് ഇ​ന്ന​ത്തെ ഡ്രൈ​വിം​ഗ് ടെ​സ്റ്റി​ന് എ​ത്തി​യ​ത്. ഇ​തി​ൽ പ​കു​തി പേ​ർ​ക്ക് പോ​ലും വ​ലി​യ വാ​ഹ​ന​ങ്ങ​ൾ ഓ​ടി​ക്കു​ന്ന​തി​നു​ള്ള ഹെ​വി ലൈ​സ​ൻ​സ് ഇ​ല്ലാ​ത്ത​വ​രാ​യി​രു​ന്നു എ​ന്ന​റി​യു​ന്നു.

ഇ​വ​ർ​ക്ക് ബ​സി​ൽ ഡ്രൈ​വിം​ഗ് പ​രി​ശീ​ല​നം ന​ല്കു​മെ​ന്നാ​ണ് കെ-​സ്വി​ഫ്റ്റ് അ​ധി​കൃ​ത​ർ പ​റ​യു​ന്ന​ത്. വേ​ണ്ട​ത്ര ഡ്രൈ​വിം​ഗ് പ​രി​ച​യ​മി​ല്ലാ​ത്ത​വ​രെ നി​യ​മി​ക്കു​ന്ന​ത് യാ​ത്ര​ക്കാ​രു​ടെ സു​ര​ക്ഷി​ത​ത്വ​ത്തി​ന് ഭീ​ഷ​ണി​യാ​കു​മെ​ന്ന ആ​രോ​പ​ണം ഉ​യ​ർ​ന്നി​ട്ടു​ണ്ട്.

30,000 രൂ​പ സെ​ക്യു​രി​റ്റി തു​ക​യാ​യി ഇ​വ​ർ കെ-​സ്വി​ഫ്റ്റി​ൽ അ​ട​യ്ക്ക​ണം. 715 രൂ​പ​യാ​ണ് ഒ​രു ഡ്യൂ​ട്ടി​യു​ടെ വേ​ത​നം. മ​റ്റ് യാ​തൊ​രു​വി​ധ തൊ​ഴി​ൽ ആ​നു​കൂ​ല്യ​ങ്ങ​ളോ തെ​ഴി​ൽ സു​ര​ക്ഷി​ത​ത്വ​മോ ഈ ​ജീ​വ​ന​ക്കാ​ർ​ക്ക് ല​ഭി​ക്കി​ല്ല.