ചങ്ങനാശേരി: നായര് സര്വീസ് സൊസെെറ്റി ജനറല് സെക്രട്ടറിയായി ജി.സുകുമാരന് നായര് വീണ്ടും തെരഞ്ഞെടുക്കപ്പെട്ടു. എന്.വി.അയ്യപ്പന് പിള്ളയാണ് ട്രഷറര്. കെ.ബി. ഗണേഷ് കുമാറിനെ
ഡയറക്ടര് ബോര്ഡില് ഉള്പ്പെടുത്തി.
2023-24 വര്ഷത്തെ ബജറ്റും പെരുന്നയില് ചേര്ന്ന പൊതുയോഗം പാസാക്കി. ജനറല് സെക്രട്ടറി ജി.സുകുമാരന് നായരാണ് 144.25 കോടി രൂപ വരവും അത്രയും തന്നെ ചെലവും പ്രതീക്ഷിക്കുന്ന ബജറ്റ് അവതരിപ്പിച്ചത്. പ്രസിഡന്റ് ഡോ.എം.ശശികുമാര് അധ്യക്ഷനായിരുന്നു.
എന്എസ്എസിന് രാഷ്ട്രീയമില്ലെന്നും എല്ലാ രാഷ്ട്രീയ പാര്ട്ടികളോടും സമദൂര നിലപാട് ആയിരിക്കുമെന്നും ജി.സുകുമാരന് നായര് ബജറ്റ് പ്രസംഗത്തിനിടെ പറഞ്ഞു. വൈക്കം സത്യാഗ്രഹ ശതാബ്ദിയില് മന്നത്ത് പത്മനാഭനും എന്എസ്എസിനും അര്ഹമായ പരിഗണന ലഭിച്ചില്ലെന്നും അദ്ദേഹം കുറ്റപ്പെടുത്തി.
ജി.സുകുമാരന് നായര് വീണ്ടും എന്എസ്എസ് ജനറല് സെക്രട്ടറി
12:27 PM Jun 23, 2023 | Deepika.com