മെസിയുടെ മിന്നൽ ഗോൾ; പോ​രു​തി​ത്തോ​റ്റ് ഓ​സ്ട്രേ​ലി​യ

ബെ​യ്ജിം​ഗ്: ലോ​ക​ക​പ്പ് ജേ​താ​ക്ക​ളോ​ട് പോ​രു​തി​ത്തോ​റ്റ് ഏ​ഷ്യ​ൻ ക​രു​ത്ത​രാ​യ ഓ​സ്ട്രേ​ലി​യ. ല​യ​ണ​ൽ മെ​സി​യു​ടെ ലാ ​ആ​ൽ​ബി​സെ​ലെ​സ്റ്റെ എ​തി​രി​ല്ലാ​ത്ത ര​ണ്ട് ഗോ​ളു​ക​ൾ​ക്കാ​ണ് ഓ​സീ​സി​നെ പ​രാ​ജ​യ​പ്പെ​ടു​ത്തി​യ​ത്. ര​ണ്ടാം മി​നി​റ്റി​ൽ ക​രി​യ​റി​ലെ ഏ​റ്റ​വും വേ​ഗ​മേ​റി​യ ഗോ​ൾ നേ​ടി​യ ല​യ​ണ​ൽ മെ​സി അ​ർ​ജ​ന്‍റീ​ന​യെ മു​ന്നി​ലെ​ത്തി​ച്ചു.

എ​ന്നാ​ൽ പി​ന്നീ​ട​ങ്ങോ​ട്ട് ലോ​ക ചാ​മ്പ്യ​ന്മാ​രെ വി​റ​പ്പി​ക്കു​ന്ന പ്ര​ക​ട​ന​മാ​ണ് സോ​ക്ക​റോ​സ് ന​ട​ത്തി​യ​ത്. പ​ല​വ​ട്ടം എ​മി​ലി​യാ​നോ മാ​ർ​ട്ടി​ന​സി​നെ ഓ​സീ​സ് പ​രീ​ക്ഷി​ച്ചു. ഒ​രു ത​വ​ണ എ​മി​ലി​യാ​നോ​യെ​യും ക​ട​ന്നു​പോ​യ പ​ന്ത് പോ​സ്റ്റി​ൽ ഇ​ടി​ച്ച് ലോ​ക ഒ​ന്നാം ന​മ്പ​ർ ടീ​മി​ന്‍റെ മാ​നം​കാ​ത്തു. ര​ണ്ടാം പ​കു​തി​യി​ൽ ജ​ർ​മ​യ്ൻ പെ​സെ​ല്ല​യാ​ണ് (68’) അർജന്‍റീനയുടെ ര​ണ്ടാം ഗോ​ൾ നേ​ടി​യ​ത്.

ല​യ​ണ​ൽ മെ​സി​യു​ടെ ഫു​ട്ബോ​ൾ ക​രി​യ​റി​ലെ ഏ​റ്റ​വും വേ​ഗ​മേ​റി​യ ഗോ​ളി​നാ​ണ് ബെ​യ്ജിം​ഗ് വ​ർ​ക്കേ​ഴ്സ് സ്റ്റേ​ഡി​യം സാ​ക്ഷ്യം​വ​ഹി​ച്ച​ത്. 79-ാം സെ​ക്ക​ൻ​ഡി​ലാ​യി​രു​ന്നു മെ​സി​യു​ടെ ഗോ​ൾ. എ​ൻ​സൊ ഫെ​ർ​ണാ​ണ്ട സി​ന്‍റെ അ​സി​സ്റ്റി​ൽ​നി​ന്ന് ഡി ​സ​ർ​ക്കി​ളി​നു​ള്ളി​ൽ​വ​ച്ച് ഇ​ടം​കാ​ൽ​കൊ​ണ്ട് എ​ടു​ത്ത മി​ന്നും ഷോ​ട്ടി​ലൂ​ടെ​യാ​യി​രു​ന്നു മെ​സി ഓ​സ്ട്രേ​ലി​യ​ൻ വ​ല​കു​ലു​ക്കി​യ​ത്.

68-ാം മി​നി​റ്റി​ൽ ഡി​പോ​ളി​ന്‍റെ അ​സി​സ്റ്റി​ലായിരുന്നു പെ​സെ​ല്ല​യുടെ ഗോൾ. ബോക്സിലേക്ക് പറന്നിറങ്ങിയ ഡിപോൾ ക്രോസിന് പെസല്ല തലവയ്ക്കുകയായിരുന്നു.