കെ.​വി​ദ്യ​യു​ടെ വീ​ട്ടി​ല്‍ പോ​ലീ​സ് പ​രി​ശോ​ധ​ന​യ്‌​ക്കെ​ത്തി; വീ​ട് പൂ​ട്ടി​യ നി​ല​യി​ല്‍

കാ​സ​ര്‍​ഗോ​ഡ്: എ​റ​ണാ​കു​ളം മ​ഹാ​രാ​ജാ​സ് കോ​ള​ജി​ന്റെ പേ​രി​ല്‍ വ്യാ​ജ സ​ര്‍​ട്ടി​ഫി​ക്ക​റ്റ് ഉ​ണ്ടാ​ക്കി​യ കെ. ​വി​ദ്യ​യു​ടെ വീ​ട്ടി​ല്‍ പോ​ലീ​സ് പ​രി​ശോ​ധ​ന. വീ​ട്ടി​ല്‍ ആ​രും ഇ​ല്ലാ​ത്ത​തി​നാ​ല്‍ പോ​ലീ​സ് സം​ഘം മ​ട​ങ്ങി.

തൃ​ക്ക​രി​പ്പൂ​ര്‍ മ​ണി​യ​നോ​ടു​ള്ള വീ​ട്ടി​ലാ​ണ് നീ​ലേ​ശ്വ​രം പോ​ലീ​സ് പ​രി​ശോ​ധ​ന​യ്‌​ക്കെ​ത്തി​യ​ത്. വെ​ള്ളി​യാ​ഴ്ച വ​രെ വി​ദ്യ​യു​ടെ കു​ടും​ബാം​ഗ​ങ്ങ​ള്‍ ഇ​വി​ടെ ഉ​ണ്ടാ​യി​രു​ന്നെ​ന്നാ​ണ് വി​വ​രം. ഇ​വ​ര്‍ ഇ​വി​ടെ​നി​ന്ന് ബോ​ധ​പൂ​ര്‍​വം മാ​റി​യ​താ​ണോ അ​തോ എ​ന്തെ​ങ്കി​ലും ആ​വ​ശ്യ​ങ്ങ​ള്‍​ക്കു​വേ​ണ്ടി പു​റ​ത്തു​പോ​യ​താ​ണോ എ​ന്ന കാ​ര്യം വ്യ​ക്ത​മ​ല്ല.

വി​ദ്യ​യ്‌​ക്കെ​തി​രെ കേ​സ് റ​ജി​സ്റ്റ​ര്‍ ചെ​യ്ത് ദി​വ​സങ്ങൾ ക​ഴി​ഞ്ഞി​ട്ടും ഇ​വ​രെ ഇ​തു​വ​രെ ക​ണ്ടെ​ത്താനായിട്ടില്ല. കാ​ല​ടി​യി​ല്‍ സം​സ്‌​കൃ​ത സ​ര്‍​വ​ക​ലാ​ശാ​ല​യു​ടെ ഒ​രു ഹോ​സ്റ്റ​ലി​ലാ​ണു വി​ദ്യ ഒ​ളി​വി​ല്‍ താ​മ​സി​ക്കു​ന്ന​തെ​ന്നാ​ണ് ആ​രോ​പ​ണം.

കാ​സ​ര്‍​ഗോ​ഡ് ക​രി​ന്ത​ളം കോ​ള​ജി​ല്‍ വി​ദ്യ ഹാ​ജ​രാ​ക്കി​യ രേ​ഖ​ക​ള്‍ പോ​ലീ​സ് ക​ഴി​ഞ്ഞ ദി​വ​സം ശേ​ഖ​രി​ച്ചി​രു​ന്നു. ഇ​ന്ന് കോ​ള​ജ് പ്രി​ന്‍​സി​പ്പ​ലി​ന്‍റെ മൊ​ഴി എ​ടു​ത്തേ​ക്കു​മെ​ന്നാ​ണ് വി​വ​രം.