വാഷിംഗ്ടൺ ഡിസി: അമേരിക്കയിലെ മിസോറി സംസ്ഥാനത്ത് നടന്ന വെടിവയ്പ്പിൽ മൂന്ന് പേർ കൊല്ലപ്പെട്ടു. കാൻസസ് സിറ്റിയിലെ ക്ലൈമാക്സ് ലോഞ്ച് നിശാക്ലബിലാണ് ആക്രമണം നടന്നത്.
വെടിവയ്പ്പിൽ സംഗീതജ്ഞനായ ജേസൺ മക്കോണൽ മരിച്ചതായി അദ്ദേഹത്തോട് അടുത്ത വൃത്തങ്ങൾ അറിയിച്ചു. മരണപ്പെട്ട മറ്റുള്ളവരുടെ പേരുവിവരങ്ങൾ പുറത്തുവിട്ടിട്ടില്ല.
രണ്ട് പേരുടെ മൃതദേഹം ക്ലബിന് സമീപത്ത് നിന്നാണ് കണ്ടെത്തിയെതെന്നും മറ്റൊരാൾ ആശുപത്രിയിൽ വച്ചാണ് മരിച്ചതെന്നും പോലീസ് അറിയിച്ചു. അമേരിക്കയിൽ ഈ വർഷം നടക്കുന്ന 230-ാം വെടിവയ്പ് ആക്രമണമാണിതെന്ന് വിദഗ്ധർ അറിയിച്ചു.
അമേരിക്കയിൽ വീണ്ടും വെടിവയ്പ്; സംഗീതജ്ഞൻ ഉൾപ്പെടെ മൂന്ന് പേർ കൊല്ലപ്പെട്ടു
09:33 PM May 21, 2023 | Deepika.com