തിരുവനന്തപുരം: പുത്തന്തോപ്പില് അമ്മയും കുഞ്ഞും പൊള്ളലേറ്റ് മരിച്ച സംഭവം കൊലപാതകമെന്ന് ആരോപിച്ച് യുവതിയുടെ കുടുംബം പോലീസില് പരാതി നല്കി. ഭര്ത്താവിന്റെ അവിഹിത ബന്ധം ചോദ്യം ചെയ്തതിന് മകളെ മര്ദിക്കുമായിരുന്നെന്നും മരണത്തില് ദുരൂഹതയുണ്ടെന്നും യുവതിയുടെ പിതാവ് ആരോപിച്ചു.
പുത്തന്തോപ്പ് സ്വദേശി രാജു ജോസഫ് ടിന്സിലിയുടെ ഭാര്യ അഞ്ജുവും ഒന്പത് മാസം പ്രായമുള്ള മകന് ഡേവിഡുമാണ് മരിച്ചത്. ചൊവ്വാഴ്ച രാത്രി ഏഴിന് വീട്ടിലെ കുളിമുറിയിലാണ് ഇരുവരെയും പൊള്ളലേറ്റ നിലയില് കണ്ടെത്തിയത്.
അഞ്ജു മരിച്ച നിലയിലായിരുന്നു. ഗുരുതരമായി പൊള്ളലേറ്റ കുഞ്ഞിനെ തിരുവനന്തപുരം മെഡിക്കല് കോളജിലെ വെന്റിലേറ്ററില് പ്രവേശിപ്പിച്ചെങ്കിലും ഇന്ന് രാവിലെ മരിച്ചു.
സംഭവത്തില് കഠിനംകുളം പോലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു.
അമ്മയും കുഞ്ഞും പൊള്ളലേറ്റ് മരിച്ച സംഭവം കൊലപാതകമെന്ന് കുടുംബം
04:21 PM May 17, 2023 | Deepika.com