പാരിസ്: സൂപ്പർതാരം ലയണൽ മെസിക്ക് പിഎസ്ജി താൽക്കാലിക വിലക്ക് ഏർപ്പെടുത്തിയതായി റിപ്പോർട്ടുകൾ. ക്ലബിന്റെ അനുമതി കൂടാതെ സൗദി അറേബ്യയിലേക്ക് നടത്തിയ ദ്വിദിന സന്ദർശനത്തിന്റെ പേരിലാണ് നടപടി.
മെസിക്ക് ലീഗ് വണ്ണിലെ അടുത്ത രണ്ട് മത്സരങ്ങൾ നഷ്ടമാകുമെന്ന് വിവിധ ഫ്രഞ്ച് മാധ്യമങ്ങൾ റിപ്പോർട്ട് ചെയ്തു. ട്രോയെ, അയാക്കിയോ ക്ലബുകൾക്കെതിരായ ലീഗ് മത്സരങ്ങളിൽ നിന്ന് മെസിയെ പിഎസ്ജി വിലക്കുമെന്നും മേയ് 21-ന് ഓക്സറെനെതിരെ നടക്കുന്ന പോരാട്ടത്തിൽ മാത്രമാകും താരം തിരിച്ചെത്തുകയെന്നും റിപ്പോർട്ടുകളുണ്ട്.
33 മത്സരങ്ങളിൽ നിന്ന് 75 പോയിന്റുമായി ലീഗിൽ ഒന്നാം സ്ഥാനത്താണ് പിഎസ്ജി. 15 ഗോളുകളും 14 അസിസ്റ്റുകളുമാണ് മെസി ഈ സീസണിൽ ക്ലബിനായി നേടിയത്.
മെസിക്ക് പിഎസ്ജി വക സസ്പെൻഷനെന്ന് റിപ്പോർട്ട്
02:13 AM May 03, 2023 | Deepika.com