തിരുവനന്തപുരം: പാറ്റൂർ മൂലവിളാകത്ത് നടുറോഡിൽ വച്ച് പോലീസ് ഉദ്യോഗസ്ഥന്റെ ഭാര്യയോട് മോശമായി പെരുമാറിയ പ്രതി പിടിയിൽ. പബ്ലിക് ലൈബ്രറി ക്യാന്റീൻ ജീവനക്കാരനായ ജയ്സണ് ആണ് പിടിയിലായത്.
ഇന്ന് ഉച്ചയോടെ യുവതി റോഡിലൂടെ സഞ്ചരിക്കുകയായിരുന്ന വേളയിലാണ് സംഭവം നടന്നത്. ബൈക്കിലെത്തിയ പ്രതി യുവതിയോട് അശ്ലീലചുവയോടെ സംസാരിക്കുകയും മോശമായി പെരുമാറുകയും ചെയ്തു.
ക്രൈം ബ്രാഞ്ച് ഇൻസ്പെക്ടറുടെ ഭാര്യയായ യുവതി, പ്രതി സഞ്ചരിച്ചിരുന്ന ബൈക്കിന്റെ നമ്പർ പോലീസിന് കൈമാറിയിരുന്നു. തുടർന്ന് പോലീസ് നടത്തിയ അന്വേഷണത്തിലാണ് പ്രതിയായ ജയ്സൺ പിടിയിലായത്.
പോലീസ് ഉദ്യോഗസ്ഥന്റെ ഭാര്യക്ക് നേരെ അതിക്രമം; പ്രതി പിടിയിൽ
05:23 PM May 01, 2023 | Deepika.com