കോഴിക്കോട്: യാത്രക്കാരെ കടുത്ത ദുരിതത്തിലാക്കി എയര് ഇന്ത്യ എക്സ്പ്രസ്. കരിപ്പൂരില് നിന്ന് പുറപ്പെടേണ്ട ഐഎക്സ് 345 ദുബായി വിമാനം 12 മണിക്കൂര് വൈകുമെന്നാണ് അധികൃതര് അറിയിച്ചത്.
രാവിലെ 8.30ന് പുറപ്പെടേണ്ട വിമാനമാണ് രാത്രി എട്ടിലേക്ക് മാറ്റി ഷെഡ്യൂള് ചെയ്തിരിക്കുന്നത്. യാത്രക്കാര് ബോര്ഡിംഗ് പാസെടുത്ത ശേഷം ഗേറ്റ് തുറക്കാതെ വന്നതോടെ അന്വേഷിച്ചപ്പോഴാണ് വിവരം അറിയിച്ചത്.
യാത്രക്കാര് ബഹളം വച്ചതോളെ ഇവരെ റൂമുകളിലേക്ക് മാറ്റി. ടിക്കറ്റ് കാന്സല് ചെയ്യാന് ആഗ്രഹിക്കുന്നവര്ക്ക് അത് ചെയ്യാമെന്ന് അറിയിച്ചെങ്കിലും പണം തിരികെ ലഭിക്കുന്ന കാര്യത്തില് വ്യക്തത വരുത്തിയിട്ടില്ല.
വീട്ടിലേക്ക് പോയി വരികയോ അല്ലെങ്കില് ഹോട്ടലില് മുറിയെടുത്ത് വിശ്രമിക്കുകയോ ചെയ്യാമെന്നാണ് അധികൃതര് ഏറ്റവുമൊടുവില് അറിയിച്ചത്. ടാക്സി വിളിച്ച് വീട്ടിലേക്ക് പോയി തിരിച്ചെത്തിയാലും പരമാവധി ആയിരം രൂപ മാത്രമേ അനുവദിക്കൂ എന്നാണ് അറിയിപ്പ്.
അവധി കഴിഞ്ഞ് ദുബായിയിലേക്ക് തിരിച്ചുപോകുന്നവരും കുടുംബത്തോടെ യാത്രചെയ്യുന്നവരും ഉംറക്ക് പോകുന്നവരുമൊക്കെയാണ് വിമാനത്തിലെ യാത്രക്കാര്.
ദുബായി വിമാനം പന്ത്രണ്ട് മണിക്കൂര് വൈകും; യാത്രക്കാരെ വലച്ച് എയര് ഇന്ത്യ
01:41 PM May 01, 2023 | Deepika.com