ഇടുക്കി: അരിക്കൊമ്പനെ വളഞ്ഞ് ദൗത്യസംഘം. സിമന്റുപാലത്തിനും സൂര്യനെല്ലിക്കും ഇടയിലുള്ള ചോലക്കാടിന് സമീപമാണ് നിലവില് ആന നിലയുറപ്പിച്ചിരിക്കുന്നത്. സിമന്റുപാലത്തെ നിരപ്പായ സ്ഥലത്തേയ്ക്ക് ആനയെ എത്തിക്കാനാണ് വനംവകുപ്പിന്റെ ശ്രമം.
ആനയെ മയക്കുവെടി വയ്ക്കാന് രണ്ട് സംഘങ്ങള് തയാറായി നില്ക്കുകയാണ്. ഡോ.അരുണ് സക്കറിയയുടെ നേതൃത്വത്തിലുള്ള സംഘം സൂര്യനെല്ലിക്ക് താഴെയും മറ്റൊരു സംഘം സിമന്റുപാലത്തുമാണ് നിലവില് തമ്പടിച്ചിരിക്കുന്നത്.
ചട്ടപ്രകാരം വൈകുന്നേരം മൂന്ന് വരെയാണ് ആനയെ മയക്കുവെടി വയ്ക്കാനാവുക. ഇതിനകം സാഹചര്യം അനുകൂലമായാല് ഉടന് മയക്കുവെടി വയ്ക്കും.
അരിക്കൊമ്പനെ വളഞ്ഞ് ദൗത്യസംഘം; മയക്കുവെടി വയ്ക്കാന് രണ്ട് സംഘങ്ങള് തയാര്
11:23 AM Apr 29, 2023 | Deepika.com