തൃശൂര്: ആയിരക്കണക്കിന് പൂരപ്രേമികളെ സാക്ഷികളാക്കി ഇന്ന് തൃശൂര് പൂരത്തിന്റെ വിളംബരം നടക്കും. കൊച്ചിന്ദേവസ്വം ബോര്ഡിന്റെ കൊമ്പന് എറണാകുളം ശിവകുമാര് കുറ്റൂര് നെയ്തലക്കാവില്നിന്ന് ഭഗവതിയുടെ തിടമ്പേറ്റിയെത്തി വടക്കുന്നാഥ ക്ഷേത്രത്തിലെ തെക്കേഗോപുരനട തുറക്കുന്ന പൂരവിളംബരം ചടങ്ങ് കാണാന് പൂരത്തലേന്ന് നിരവധി പേരെത്തും.
വടക്കുന്നാഥ ക്ഷേത്രത്തിന്റെ തെക്കേഗോപുരം തുറന്ന് നിലപാടു തറയില് പ്രവേശിച്ച ശേഷം മൂന്നുതവണ ശംഖ് മുഴക്കുന്നതോടെയാണ് പൂരവിളംബരം പൂര്ണമാവുക. ഇന്നു രാവിലെ ഏഴരയോടെ നെയ്തലക്കാവില്നിന്ന് നാദസ്വരത്തിന്റെ അകമ്പടിയോടെ എറണാകുളം ശിവകുമാര് നെയ്തലക്കാവിലമ്മയുടെ തിടമ്പേറ്റി വടക്കുന്നാഥനിലേക്കു പുറപ്പെടും.
എഴുന്നള്ളിപ്പ് ശ്രീമൂലസ്ഥാനത്തെത്തിക്കഴിഞ്ഞാല് കിഴക്കൂട്ട് അനിയന്മാരാരുടെ നേതൃത്വത്തില് മേളം. തുടര്ന്ന് പടിഞ്ഞാറേ നടവഴി വടക്കുന്നാഥ ക്ഷേത്രത്തിനകത്തു കടന്ന് തെക്കേഗോപുരനടയിലേക്കു വന്ന് ഗോപുരം തുറക്കും.
തൃശൂർ പൂര വിളംബരം ഇന്ന്
08:00 AM Apr 29, 2023 | Deepika.com