തിരുവനന്തപുരം: സെര്വര് തകരാര് പരിഹരിക്കാതെ റേഷന് വിതരണം തടസപ്പെടുത്തി സാധാരണക്കാരന്റെ അന്നം മുടക്കുന്ന സര്ക്കാര് നടപടിയില് പ്രതിഷേധിച്ച് മേയ് രണ്ടിന് കോണ്ഗ്രസ് കരിദിനം ആചരിക്കും.
കറുത്ത ബാഡ്ജ് ധരിച്ചും കറുത്ത കൊടികള് പിടിച്ചും റേഷന് കടകള്ക്ക് മുന്നില് കാര്ഡ് ഉടമകളെ അണിനിരത്തിയാണ് കോണ്ഗ്രസ് പ്രതിഷേധം സംഘടിപ്പിക്കുകയെന്നും കെപിസിസി അധ്യക്ഷൻ കെ. സുധാകരന് പറഞ്ഞു.
റേഷന് വിതരണം പുനഃസ്ഥാപിക്കുന്നതില് സര്ക്കാര് കാട്ടുന്നത് കുറ്റകരമായ അനാസ്ഥയാണ്. ജനങ്ങളെ നേരിട്ട് ബാധിക്കുന്ന പ്രശ്നത്തിന് ശാശ്വത പരിഹാരം കാണേണ്ട സര്ക്കാര് നിഷ്ക്രിയമാണെന്നും സുധാകരൻ കുറ്റപ്പെടുത്തി.
റേഷൻ വിതരണം മുടങ്ങിയതിൽ കോൺഗ്രസ് പ്രതിഷേധം; ചൊവ്വാഴ്ച കരിദിനം
07:43 PM Apr 28, 2023 | Deepika.com