രാജകുമാരി: അരിക്കൊന്പനെ വനംവകുപ്പ് കണ്ടെത്തി. ശങ്കരപാണ്ഡ്യമേട് ഭാഗത്താണ് ആനയെ കണ്ടത്. രാവിലെ മുതൽ നടത്തിയ തെരച്ചിലിന് ഒടുവിലാണ് ആനയെ കണ്ടെത്തിയത്.
അരിക്കൊന്പൻ കൂട്ടംവിടാൻ കാരണം ചക്കക്കൊന്പന്റെ സാന്നിധ്യമെന്നും വനംവകുപ്പ് ഉദ്യോഗസ്ഥർ പറഞ്ഞു. ചക്കക്കൊന്പന് മദപ്പാട് തുടങ്ങി. ഇതോടെയാണ് കാട്ടാനക്കൂട്ടത്തിനൊപ്പം ചക്കക്കൊന്പൻ ചേർന്നത്.
ആനയെ കണ്ടത്തിയ സാഹചര്യത്തിൽ അരിക്കൊന്പൻദൗത്യം ശനിയാഴ്ച തുടരും. നാളുകൾ നീണ്ടുനിന്ന അനിശ്ചിതത്വത്തിനൊടുവിലാണ് അരിക്കൊന്പൻദൗത്യം തുടങ്ങിയത്. എന്നാൽ രാവിലെ ആനയെ കണ്ടെത്താൻ കഴിയാതെ വന്നതോടെ ഇന്നത്തെ ദൗത്യം അവസാനിപ്പിച്ചിരുന്നു.
അരിക്കൊന്പനെ കണ്ടെത്തി
07:37 PM Apr 28, 2023 | Deepika.com