മാ​ലി​യി​ൽ സ്ഫോ​ട​നം; 10 പേ​ർ മ​രി​ച്ചു

ബ​മാ​ക്കോ: പ​ടി​ഞ്ഞാ​റ​ൻ ആ​ഫ്രി​ക്ക​ൻ രാ​ജ്യ​മാ​യ മാ​ലി​യി​ൽ സൈ​നി​ക കേ​ന്ദ്ര​ത്തി​ന് സ​മീ​പം ന​ട​ന്ന ബോം​ബ് സ്ഫോ​ട​ന​ത്തി​ൽ 10 പേ​ർ കൊ​ല്ല​പ്പെ​ട്ടു. സം​ഭ​വ​ത്തി​ൽ 60 പേ​ർ​ക്ക് പ​രി​ക്കേ​റ്റു.

മോ​പ്തി മേ​ഖ​ല​യി​ലെ സ​വാ​രെ ന​ഗ​ര​ത്തി​ന് സ​മീ​പ​ത്താ​ണ് സ്ഫോ​ട​നം ന​ട​ന്ന​ത്. പ്ര​ദേ​ശ​ത്തെ വി​മാ​ന​ത്താ​വ​ള​വും സൈ​നി​ക കേ​ന്ദ്ര​വും ല​ക്ഷ്യ​മി​ട്ട് ന​ട​ത്തി​യ ആ​ക്ര​മ​ണ​ത്തി​ൽ ജീ​വ​ൻ ന​ഷ്ട​മാ​യ​ത് സാ​ധാ​ര​ണ പൗ​ര​ന്മാ​ർ​ക്കാ​ണ്.

സ്ഫോ​ട​ന​ത്തി​ൽ നി​ര​വ​ധി വീ​ടു​ക​ളും ഒ​രു പെ​ട്രോ​ൾ ബ​ങ്കും ത​ക​ർ​ന്ന​താ​യും മ​ര​ണ​സം​ഖ്യ ഇ​നി​യും ഉ​യ​രാ​ൻ സാ​ധ്യ​ത​യു​ണ്ടെ​ന്നും മാ​ലി​യ​ൻ സൈ​ന്യം അ​റി​യി​ച്ചു. ആ​ക്ര​മ​ണ​ത്തി​ന്‍റെ ഉ​ത്ത​ര​വാ​ദി​ത്വം ഒ​രു സം​ഘ​ട​ന​യും ഏ​റ്റെ​ടു​ത്തി​ട്ടി​ല്ല.

ഇ​സ്ലാ​മി​ക് സ്റ്റേ​റ്റ് ഭീ​ക​ര​രു​ടെ നി​യ​ന്ത്ര​ണ​ത്തി​ലു​ള്ള മേ​ഖ​ല​യി​ലാ​ണ് സം​ഭ​വം ന​ട​ന്ന​ത്. ജ​മാ​അ​ത്ത് ന​സ​ർ ഇ ​ഇ​സ്ലാം(​ജെ​എ​ൻ​ഐ​എം) അ​ട​ക്ക​മു​ള്ള നി​ര​വ​ധി തീ​വ്ര സം​ഘ​ട​ന​ക​ൾ പോ​രാ​ട്ടം ന​ട​ത്തു​ന്ന മേ​ഖ​ല​യി​ൽ റ​ഷ്യ​ൻ കൂ​ലി​പ്പ​ട്ടാ​ള​മാ​യ വാ​ഗ്ന​ർ സം​ഘ​ത്തി​ന്‍റെ സാ​ന്നി​ധ്യ​വ​മു​ണ്ട്.