തിരുവനന്തപുരം: സംസ്ഥാനത്ത് വ്യാഴാഴ്ച 2484 കോവിഡ് കേസുകൾ റിപ്പോര്ട്ട് ചെയ്തു. എറണാകുളം, തിരുവനന്തപുരം, കോട്ടയം ജില്ലകളിലാണ് കോവിഡ് കേസുകള് കൂടുതല്.
അഡ്മിഷന് കേസുകള് ചെറുതായി കൂടുന്നുണ്ട് എങ്കിലും ആകെ രോഗികളില് 0.9 ശതമാനം പേര്ക്ക് മാത്രമാണ് ഓക്സിജന് കിടക്കകളും ഒരു ശതമാനം പേര്ക്ക് മാത്രമാണ് ഐസിയു കിടക്കകളും വേണ്ടി വന്നിട്ടുള്ളതെന്ന് ആരോഗ്യമന്ത്രി വീണ ജോർജ് അറിയിച്ചു.
സംസ്ഥാനത്ത് കോവിഡ് കേസുകള് കൂടുന്നതിനാല് വൃദ്ധ സദനങ്ങള് ഉള്പ്പെടെയുള്ള കെയര് ഹോമിലുള്ളവരെ പ്രത്യേകം ശ്രദ്ധിക്കണം. ജില്ലകളിലെ കെയര് ഹോമുകള് ഗൗരവത്തോടെ കാണണം. ഒരാള്ക്ക് കോവിഡ് ബാധിച്ചാല് കെയര് ഹോമിലുള്ള എല്ലാവരേയും പരിശോധിക്കണം. അല്ലെങ്കില് അവര്ക്ക് രോഗം ഗുരുതരമാകാന് സാധ്യതയുണ്ടെന്നും മന്ത്രി പറഞ്ഞു.
സംസ്ഥാനത്ത് കോവിഡ് കൂടുന്നു; ഇന്ന് 2484 കേസുകൾ
10:08 PM Apr 20, 2023 | Deepika.com