ന്യൂഡൽഹി: നേപ്പാൾ പ്രസിഡന്റ് രാം ചന്ദ്ര പൗഡേലിനെ വിദഗ്ധ ചികിത്സയ്ക്കായി ഡൽഹി ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിൽ പ്രവേശിപ്പിച്ചു. ശ്വാസകോശ സംബന്ധമായ അസുഖങ്ങളെത്തുടർന്നാണ് 78 കാരനായ പൗഡേലിനെ ഡൽഹിയിലേക്ക് കൊണ്ടുവന്നത്.
ഓക്സിജൻ ലെവൽ ക്രമാതീ തമായി താഴ്ന്നുപോകുന്ന നിലയാണ്. നേപ്പാളിലെ മഹാരാജ്ഗഞ്ച് ത്രിഭുവൻ യൂണിവേഴ്സിറ്റി ടീച്ചിംഗ് ഹോസ്പിറ്റലിൽ ചൊവ്വാഴ്ചയാണ് പ്രസിഡന്റിനെ പ്രവേശിപ്പിച്ചത്. എന്നാൽ അസുഖം ഭേദമാകാത്തതിനെത്തുടർന്ന് ഡൽഹിയിലേക്ക് എയർലിഫ്റ്റ് ചെയ്യുകയായിരുന്നു.
ഒരുമാസത്തിനിടെ രണ്ടാം തവണയാണ് പൗഡേലിനെ ആശുപത്രിയിൽ പ്രവേശിപ്പിക്കുന്നത്.
നേപ്പാൾ പ്രസിഡന്റ് വിദഗ്ധ ചികിത്സയ്ക്കായി എയിംസിൽ
11:02 PM Apr 19, 2023 | Deepika.com