ദുബായ്: ഗൾഫ് രാജ്യങ്ങൾ തമ്മിലെ സഹകരണവും ഐക്യവും ഊട്ടിയുറപ്പിക്കുന്നതിനിടെ എംബസികൾ വീണ്ടും തുറക്കാനൊരുങ്ങി യുഎഇയും ഖത്തറും. യുഎഇ ഉദ്യോഗസ്ഥരെ ഉദ്ധരിച്ച് പ്രാദേശിക ദിനപത്രമായ "നാഷണൽ' ആണ് ഇക്കാര്യം റിപ്പോർട്ട് ചെയ്തത്. ഖത്തർ മീഡിയ ഓഫീസും ഇക്കാര്യം സ്ഥിരീകരിച്ചിട്ടുണ്ട്.
2021ൽ ഒപ്പുവച്ച അൽ ഉല കരാറിന്റെ അടിസ്ഥാനത്തിലാണ് എംബസികൾ വീണ്ടും തുറക്കുന്നത്. നയതന്ത്ര ബന്ധം കൂടുതൽ ശക്തിപ്പെടുത്തുന്നതിനും എംബസികൾ തുറക്കുന്നതിനും ആവശ്യമായ നടപടിക്രമങ്ങൾ പുരോഗമിക്കുന്നതായും യുഎഇ ഉദ്യോഗസ്ഥർ വ്യക്തമാക്കി.
2017ലാണ് സൗദി, യുഎഇ, ബഹറിൻ, ഈജിപ്ത് എന്നീ രാജ്യങ്ങൾ ഖത്തറിന് ഉപരോധം പ്രഖ്യാപിച്ചത്. അൽ ഉല കരാർ ഒപ്പുവച്ചതിന് പിന്നാലെ സൗദിയും ഈജിപ്തും ദോഹയിൽ വീണ്ടും എംബസി തുറന്നിരുന്നു.
യുഎഇയും ഖത്തറും വീണ്ടും എംബസികൾ തുറക്കുന്നു
12:48 PM Apr 19, 2023 | Deepika.com