ലണ്ടൻ: ലിവർപൂൾ ചുവന്നുതുടുത്തു... പ്രീമിയർ ലീഗ് ഫുട്ബോളിൽ വീണ്ടും ലിവർപൂളിന്റെ ഗോളടിമേളം. ലീഡ്സ് യുണൈറ്റഡിനെ 6-1ന് ചെമ്പട തകർത്തു. അഞ്ച് മത്സരങ്ങൾക്ക് ശേഷമാണ് ലിവർപുൾ വിജയവഴിയിൽ തിരിച്ചെത്തുന്നത്.
മുഹമ്മദ് സല (39’, 64’), ഡിയാഗോ ജോട്ട (52’, 73’) എന്നിവർ ലിവർപൂളിനായി ഇരട്ട ഗോൾ സ്വന്തമാക്കി. കോഡി ഗാക്പൊ (35’), ഡാർവിൻ നൂനെസ് (90’) എന്നിവർ ഓരോ ഗോൾ വീതം നേടി. ലീഡ്സിന്റെ ആശ്വാസഗോൾ ലൂയിസ് സിനിസ്റ്റെറ (47') നേടി.
ലീഗിൽ 30 മത്സരങ്ങളിൽ 47 പോയിന്റുമായി എട്ടാം സ്ഥാനത്താണ് ലിവർപുൾ. 31 മത്സരങ്ങൾ കളിച്ച ലീഡ്സ് യുണൈറ്റഡ് പതിനാറാമതാണ്.
ഗോളുകളിൽ "ആറാടി' ചെമ്പട; ലീഡ്സ് തരിപ്പണം
04:04 AM Apr 18, 2023 | Deepika.com