ന്യൂഡൽഹി: നടിയെ തട്ടിക്കൊണ്ടുപോയി ആക്രമിച്ച കേസിലെ പ്രതി പൾസർ സുനിയുടെ(സുനിൽ എൻ.എസ്) ജാമ്യാപേക്ഷ സുപ്രീം കോടതി തള്ളി.
കേസിന്റെ വിചാരണ അനന്തമായി നീളുകയാണെന്നും ആറ് വര്ഷത്തിലേറെയായി വിചാരണത്തടവുകാരനായി തുടരുകയാണെന്നും കാട്ടിയാണ് സുനി ജാമ്യാപേക്ഷ സമർപ്പിച്ചത്. എന്നാൽ ജസ്റ്റീസ് ഡി.വൈ. ചന്ദ്രചൂഡ് അധ്യക്ഷനായ ബെഞ്ച് ഈ വാദങ്ങൾ അംഗീകരിച്ചില്ല.
സുനി സമർപ്പിച്ച ജാമ്യാപേക്ഷ ഹൈക്കോടതി നേരത്തെ തള്ളിയിരുന്നു. ഇതോടെയാണ് ഇയാൾ സുപ്രീം കോടതിയെ സമീപിച്ചത്. 2017 ഫെബ്രുവരി 23-നാണ് സുനി അറസ്റ്റിലായത്.
നടിയെ ആക്രമിച്ച കേസ്; പൾസർ സുനിക്ക് ജാമ്യമില്ല
05:19 PM Apr 17, 2023 | Deepika.com