കൊച്ചി: എം. ശിവശങ്കറിന്റെ ജാമ്യാപേക്ഷ തള്ളിക്കൊണ്ട് കോടതി നടത്തിയ പരാമര്ശം മാധ്യമങ്ങളില് വന്നത് തെറ്റിദ്ധാരണാജനകമായാണെന്ന് എല്ഡിഎഫ് കണ്വീനര് ഇ.പി. ജയരാജന്. ശിവശങ്കറിന് ഏതെങ്കിലും പ്രത്യേക ആനുകൂല്യമോ പരിഗണനയോ കേസുമായോ സസ്പെന്ഷനുമായോ ബന്ധപ്പെട്ട് സംസ്ഥാന സര്ക്കാര് നല്കിയിട്ടില്ല.
ഓള് ഇന്ത്യ സര്വീസില് നിന്നും ശിവശങ്കറിനെ സസ്പെൻഡ് ചെയ്തത് ക്രിമിനല് കേസില് പ്രതി ചേര്ക്കപ്പെട്ടത് കൊണ്ടല്ല. അദ്ദേഹം ഓള് ഇന്ത്യ സര്വീസിലെ ചട്ടങ്ങള്ക്ക് വിരുദ്ധമായി പ്രവര്ത്തിച്ചു എന്ന് കണ്ടെത്തിയപ്പോഴാണ് സസ്പെന്ഷന് ഉണ്ടായതെന്നും ഇ.പി. ജയരാജന് പ്രസ്താവനയില് പറഞ്ഞു.
ഒരാള്ക്ക് അന്യായമായി സ്പേസ് പാര്ക്കില് ജോലി തരപ്പെടുത്തി കൊടുത്തു എന്ന പ്രശ്നം വന്നപ്പോഴാണ് സസ്പെന്ഡ് ചെയ്തത്. ഇതൊരു രാഷ്ട്രീയ തീരുമാനം ആയിരുന്നില്ല. ശിവശങ്കരനെതിരായ ആരോപണങ്ങള് അന്വേഷിച്ച ചീഫ് സെക്രട്ടറി അധ്യക്ഷനായ സമിതിയാണ് സസ്പെന്ഷന് ശിപാര്ശ ചെയ്തത്. സസ്പെന്ഡ് ചെയ്യുന്ന ഘട്ടത്തില് സ്വര്ണക്കടത്ത് കേസില് അദ്ദേഹം ഏജന്സികളുടെ പ്രതിപ്പട്ടികയില് ഉണ്ടായിരുന്നില്ലെന്നും ജയരാജൻ പറഞ്ഞു.
ശിവശങ്കറിന് പ്രത്യേക ആനുകൂല്യം സര്ക്കാര് നല്കിയിട്ടില്ല: ഇ.പി. ജയരാജന്
10:52 AM Apr 15, 2023 | Deepika.com