തിരുവനന്തപുരം: ഇല്ലാതായിക്കൊണ്ടിരിക്കുന്ന കാർഷിക സംസ്കാരത്തെ തിരിച്ചുപിടിക്കാൻ കഴിയട്ടെയെന്ന് വിഷു സന്ദേശത്തിൽ മുഖ്യമന്ത്രി പിണറായി വിജയൻ. മുഴുവൻ മലയാളികൾക്ക് മുഖ്യമന്ത്രി വിഷു ആശംസകൾ നേർന്നു.
സമ്പന്നമായ നമ്മുടെ കാർഷിക സംസ്കാരത്തിന്റെ ഓർമപ്പെടുത്തലാണ് വിഷു. ഐശ്വര്യപൂർണമായ നാളയെ വരവേൽക്കുന്നതിനുള്ള ഈ ആഘോഷത്തിൽ മലയാളികൾ ഒത്തൊരുമയോടെ പങ്കെടുക്കുകയാണ്. വർഗീയതയും വിഭാഗീയതയും പറഞ്ഞ് നമ്മെ ഭിന്നിപ്പിക്കാൻ ശ്രമിക്കുന്ന പ്രതിലോമശക്തികളെ കരുതിയിരിക്കണം.
ഉന്നതമായ മനുഷ്യസ്നേഹത്തിലൂന്നിയ ഐക്യം കൊണ്ട് ഈ ശക്തികൾക്ക് മറുപടി നൽകാൻ നമുക്ക് സാധിക്കണമെന്നും സമത്വവും സാഹോദര്യവും പുലരുന്ന നല്ലകാലത്തെ വരവേൽക്കാൻ നമുക്കൊരുമിച്ച് നിൽക്കാമെന്നും മുഖ്യമന്ത്രി സന്ദേശത്തിൽ പറഞ്ഞു.
കാർഷിക സംസ്കാരത്തെ തിരിച്ചുപിടിക്കാൻ കഴിയട്ടെ; വിഷു ആശംസകൾ നേർന്ന് മുഖ്യമന്ത്രി
09:03 PM Apr 14, 2023 | Deepika.com