ന്യൂഡൽഹി: കോൺഗ്രസ് നേതാവ് രാഹുൽ ഗാന്ധി ഡൽഹിയിലെ സർക്കാർ അനുവദിച്ച വസതി ഒഴിയുന്നു. എംപി സ്ഥാനത്തുനിന്നും അയോഗ്യനാക്കിയതിനു പിന്നാലെയാണ് സർക്കാർ ബംഗ്ലാവ് ഒഴിയാൻ രാഹുലിന് നോട്ടീസ് ലഭിച്ചത്. ഇതിനെ തുടർന്നാണ് 2005 മുതൽ രാഹുൽ താമസിച്ചുവരുന്ന 12 തുഗ്ലക് ലെയ്ൻ ബംഗ്ലാവ് ഒഴിയുന്നത്.
2005ൽ ഉത്തർപ്രദേശിലെ അമേത്തിയിൽ നിന്ന് ആദ്യമായി എംപിയായതോടെയാണ് രാഹുലിന് 12 തുഗ്ലക് ലെയ്നിലെ വസതി അനുവദിച്ചത്. മാർച്ച് 23-ന് ആണ് രാഹുൽ മാനനഷ്ടക്കേസിൽ ശിക്ഷക്കപ്പെട്ട് അയോഗ്യനാക്കപ്പെട്ടത്.
ചട്ടം അനുസരിച്ച്, അയോഗ്യനാക്കപ്പെട്ട പാർലമെന്റ് അംഗം ഔദ്യോഗിക ബംഗ്ലാവ് 30 ദിവസത്തിനകം ഒഴിയണമെന്നാണ്. കഴിഞ്ഞ നാല് തവണ ലോക്സഭയിലേക്ക് തെരഞ്ഞെടുക്കപ്പെട്ട അംഗമെന്ന നിലയിൽ അവിടെ ചെലവഴിച്ച സമയത്തിന്റെ സന്തോഷകരമായ ഓർമകൾക്ക് ജനങ്ങളോട് കടപ്പെട്ടിരിക്കുന്നുവെന്നും രാഹുല് കുറിച്ചു.
രാഹുൽ ഗാന്ധി ഡൽഹിയിലെ സർക്കാർ വസതി ഒഴിയുന്നു
05:58 PM Apr 14, 2023 | Deepika.com