ലക്നോ: ഉത്തർപ്രദേശ് പോലീസുമായുള്ള ഏറ്റുമുട്ടലിൽ ഗുണ്ടാ നേതാവ് അതിഖ് അഹമ്മദിന്‍റെ മകൻ കൊല്ലപ്പെട്ടു. അതിഖ് അഹമ്മദിന്‍റെ മകൻ ആസാദ്‌ അഹമ്മദാണ് കൊലപ്പെട്ടത്. ഇയാളിൽ നിന്നും വിദേശനിർമ്മിത തോക്കുകൾ കണ്ടെടുത്തിട്ടുണ്ട്.
ഝാൻസിയിൽ വച്ചാണ് യുപി പോലീസുമായി ഏറ്റുമുട്ടൽ ഉണ്ടായത്. ആസാദ്‌ അഹമ്മദിന്‍റെ കൂട്ടാളി ഗുലാമും ഏറ്റുമുട്ടലിൽ കൊല്ലപ്പെട്ടു. ഉമേഷ്‌ പാൽ കൊലക്കേസിലെ പ്രതികളാണ് കൊല്ലപ്പെട്ട രണ്ടു പേരും. ഇരുവരുടെയും തലയ്ക്ക് ഉത്തർപ്രദേശ് പോലീസ് അഞ്ച് ലക്ഷം രൂപ പാരിതോഷികം പ്രഖ്യാപിച്ചിരുന്നു.
ഉത്തർപ്രദേശ് സ്പെഷൽ ടാസ്‌ക് ഫോഴ്‌സാണ് ഏറ്റുമുട്ടലിലൂടെ ആസാദ്‌ അഹമ്മദിനെ കൊലപ്പെടുത്തിയത്.
യുപിയിൽ പോലീസ് എൻകൗണ്ടർ: ഗുണ്ടാ നേതാവിന്‍റെ മകനെ വധിച്ചു
10:18 PM Apr 13, 2023 | Deepika.com