തിരുവനന്തപുരം: വിഷു പ്രമാണിച്ച് കേരളത്തിൽ നിന്നും സ്പെഷൽ ട്രെയിൻ സർവീസ് പ്രഖ്യാപിച്ച് റെയിൽവേ. കൊച്ചുവേളി-എസ്എംവിടി ബംഗളൂരു റൂട്ടിലാണ് സ്പെഷൽ ട്രെയിൻ സർവീസ് നടത്തുക.
ഏപ്രിൽ 16ന് വൈകിട്ട് അഞ്ചിന് കൊച്ചുവേളിയിൽ നിന്നും സർവീസ് ആരംഭിക്കുന്ന ട്രെയിൻ പിറ്റേന്ന് ഉച്ചയ്ക്ക് ഒന്നിന് എസ്എംവിടി ബംഗളൂരുവിൽ നിന്നും മടക്ക സർവീസ് തുടങ്ങും. തിങ്കളാഴ്ച ഉച്ചയ്ക്ക് ഒന്നിന് പുറപ്പെട്ട് ചൊവ്വ രാവിലെ 6:50 ന് കൊച്ചുവേളിയിൽ തിരിച്ചെത്തുന്ന രീതിയിലാണ് സർവീസ് ക്രമീകരിച്ചിരിക്കുന്നത്.
കൊല്ലം, കായംകുളം, മാവേലിക്കര, ചെങ്ങന്നൂർ, തിരുവല്ല, ചങ്ങനാശേരി, കോട്ടയം, എറണാകുളം ടൗൺ, ആലുവ, തൃശൂർ, പാലക്കാട്, കോയമ്പത്തൂർ, തിരുപ്പൂർ, ഈറോഡ്, സേലം, ധർമ്മപുരി, ഹൊസൂർ എന്നിവിടങ്ങളിൽ സ്പെഷൽ ട്രെയിനിന് സ്റ്റോപ്പുകളുണ്ട്. റിസർവേഷൻ ശനിയാഴ്ച മുതൽ ആരംഭിക്കും.
വിഷുവിന് ബംഗളൂരുവിന് സ്പെഷൽ ട്രെയിൻ
02:34 PM Apr 13, 2023 | Deepika.com