കോഴിക്കോട്: എലത്തൂര് തീവയപ് കേസിലെ പ്രതി ഷാറൂഖ് സെയ്ഫിയെ കോഴിക്കോട് ജില്ലാ ജയിലിലേക്ക് മാറ്റും. പ്രതിക്ക് ഗുരുതര ആരോഗ്യ പ്രശ്നങ്ങള് ഇല്ലാത്തതിനാല് ആശുപത്രിയില് പാര്പ്പിക്കേണ്ടതില്ലെന്ന് മെഡിക്കല് ബോര്ഡ് യോഗം തീരുമാനമെടുത്തു.
വ്യാഴാഴ്ച വൈദ്യപരിശോധനക്ക് ശേഷം ഷാറൂഖിനെ കോഴിക്കോട് മെഡിക്കല് കോളജില് അഡ്മിറ്റ് ചെയ്തിരുന്നു. മഞ്ഞപ്പിത്തം സ്ഥിരീകരിച്ച സാഹചര്യത്തിലായിരുന്നു തീരുമാനം.
ഇന്ന് ഷാറൂഖ് സെയ്ഫിയെ മജിസ്ട്രേറ്റ് റിമാന്ഡ് ചെയ്തിരുന്നു. കോഴിക്കോട് മെഡിക്കല് കോളജിലെത്തിയാണ് മജിസ്ട്രേറ്റ് ഇയാളെ റിമാന്ഡ് ചെയ്തത്. ഇതോടെ ജുഡീഷ്യല് കസ്റ്റഡിയിലേക്ക് മാറിയ പ്രതിയെ കസ്റ്റഡിയില് വാങ്ങി ചോദ്യം ചെയ്യാനുള്ള അപേക്ഷ പോലീസ് എത്രയും പെട്ടെന്ന് കോടതിയില് സമര്പ്പിക്കുമെന്നാണ് സൂചന
കസ്റ്റഡിയില് ലഭിച്ചശേഷം വിശദമായ ചോദ്യം ചെയ്യലും തെളിവെടുപ്പും നടത്തും. കോഴിക്കോട് സിറ്റി പോലിസ് ആസ്ഥാനമായിരിക്കും അന്വേഷണ സംഘത്തിന്റെ ക്യാമ്പ് ഓഫീസ്.
ഷാറൂഖ് സെയ്ഫിയെ കോഴിക്കോട് ജില്ലാ ജയിലിലേക്ക് മാറ്റും
12:19 PM Apr 07, 2023 | Deepika.com