ദു​ബാ​യി​യി​ൽ വാ​ഹ​നാ​പ​ക​ടം; പ​രി​ക്കേ​റ്റ ഇ​ന്ത്യ​ക്കാ​ര​ന് 11കോ​ടി​യി​ല​ധി​കം രൂപ ന​ഷ്ട​പ​രി​ഹാ​രം

ദു​ബാ​യ്: ദു​ബാ​യി​യി​ൽ 12 ഇ​ന്ത്യ​ക്കാ​രു​ൾ​പ്പെ​ടെ 17 പേ​രു​ടെ മ​ര​ണ​ത്തി​നി​ട​യാ​ക്കി​യ ബ​സ് അ​പ​ക​ട​ത്തി​ൽ ഗു​രു​ത​ര​മാ​യി പ​രി​ക്കേ​റ്റ ഒ​രു ഇ​ന്ത്യ​ക്കാ​ര​ന് അ​ഞ്ച് ദ​ശ​ല​ക്ഷം ദി​ർ​ഹം (11 കോ​ടി​യി​ല​ധി​കം രൂ​പ) ന​ഷ്ട​പ​രി​ഹാ​ര​മാ​യി ല​ഭി​ച്ചു. 2019ലാ​ണ് അ​പ​ക​ടം ന​ട​ന്ന​ത്.

എ​ഞ്ചി​നി​യ​റിം​ഗ് വി​ദ്യാ​ർ​ഥി​യാ​യി​രു​ന്ന മു​ഹ​മ്മ​ദ് ബെ​യ്ഗ് മി​ർ​സ(20)​ക്കാ​ണ് ന​ഷ്ട​പ​രി​ഹാ​രം ല​ഭി​ച്ച​ത്. ഒ​മാ​നി​ൽ നി​ന്ന് യു​എ​ഇ​യി​ലേ​ക്ക് പോ​കു​ക​യാ​യി​രു​ന്ന ബ​സ് ദു​ബാ​യി​യി​ൽ വ​ച്ചാ​ണ് അ​പ​ക​ട​ത്തി​ൽ​പെ​ട്ട​ത്. സം​ഭ​വ​സ​മ​യം ബ​സി​ലു​ണ്ടാ​യി​രു​ന്ന 31 യാ​ത്ര​ക്കാ​രി​ൽ 17 പേ​ർ മ​രി​ച്ചു. അ​തി​ൽ 12 പേ​ർ ഇ​ന്ത്യ​ക്കാ​രാ​യി​രു​ന്നു.

ഒ​രു മെ​ട്രോ സ്‌​റ്റേ​ഷ​ൻ പാ​ർ​ക്കിം​ഗി​ന്‍റെ എ​ൻ​ട്രി പോ​യി​ന്‍റി​ലെ ഓ​വ​ർ​ഹെ​ഡ് ഹൈ​റ്റ് ബാ​രി​യ​റി​ലാ​ണ് ബ​സ് ഇ​ടി​ച്ച​ത്. അ​പ​ക​ട​ത്തി​ൽ ബ​സി​ന്‍റെ മു​ക​ളി​ലെ ഇ​ട​ത് ഭാ​ഗം ത​ക​ർ​ന്നി​രു​ന്നു.

സം​ഭ​വ​ത്തി​ൽ ഒ​മാ​ൻ സ്വ​ദേ​ശി​യാ​യ ബ​സ് ഡ്രൈ​വ​ർ​ക്ക് ഏ​ഴ് വ​ർ​ഷം ത​ട​വും 3.4 മി​ല്യ​ൺ ദി​ർ​ഹം പി​ഴ​യും കോ​ട​തി വി​ധി​ച്ചു. ഈ ​പ​ണം മ​രി​ച്ച​വ​രു​ടെ ബ​ന്ധു​ക്ക​ൾ​ക്ക് ന​ൽ​ക​ണ​മെ​ന്നും കോ​ട​തി നി​ർ​ദേ​ശി​ച്ചു.

ബ​ന്ധു​ക്ക​ൾ​ക്കൊ​പ്പം അ​വ​ധി​ക്കാ​ലം ചി​ല​വ​ഴി​ച്ച് മ​സ്‌​ക​റ്റി​ൽ നി​ന്ന് മ​ട​ങ്ങു​ന്ന​തി​നി​ടെ​യാ​ണ് മി​ർ​സ അ​പ​ക​ട​ത്തി​ൽ​പ്പെ​ട്ട​ത്. മി​ർ​സ​യെ ചികിത്സയ്ക്കായി ദു​ബാ​യിയി​ലെ ആ​ശു​പ​ത്രി​യി​ൽ ര​ണ്ട് മാ​സ​ത്തി​ലേ​റെ പ്ര​വേ​ശി​പ്പി​ച്ചിരുന്നു. 14 ദി​വ​സം അ​ബോ​ധാ​വ​സ്ഥ​യിലായിരുന്ന അദ്ദേഹം അ​തി​നു​ശേ​ഷം ഒ​രു പു​ന​ര​ധി​വാ​സ കേ​ന്ദ്ര​ത്തി​ൽ ചി​കി​ത്സ​യി​ലാ​യി​രു​ന്നു.‌

അ​പ​ക​ട​ത്തി​ൽ മി​ർ​സ​യ്ക്ക് മ​സ്തി​ഷ്ക ക്ഷ​തമാണ് സം​ഭ​വി​ച്ചത്. അ​തി​നാ​ൽ സാ​ധാ​ര​ണ ജീ​വി​ത​ത്തി​ലേ​ക്ക് മ​ട​ങ്ങാ​നു​ള്ള സാ​ധ്യ​ത കു​റ​വാ​ണെ​ന്ന് ഡോ​ക്ട​ർ​മാ​ർ പ​റ​ഞ്ഞു. കൂ​ടാ​തെ, ത​ല​യോ​ട്ടി, ചെ​വി, വാ​യ, ശ്വാ​സ​കോ​ശം, കൈ​ക​ൾ, കാ​ലു​ക​ൾ എ​ന്നി​വ​യ്‌​ക്കേ​റ്റ പ​രി​ക്കു​ക​ളും ഫോ​റ​ൻ​സി​ക് മെ​ഡി​ക്ക​ൽ വി​ദ​ഗ്ധ​ർ വി​ല​യി​രു​ത്തി​യി​രു​ന്നു.