ബ്രസൽസ്: ലോകത്തെ ഏറ്റവും വലിയ സൈനികസഖ്യമായ നാറ്റോയിൽ ഇനി ഫിൻലൻഡും. ചൊവ്വാഴ്ച നാറ്റോ സൈനിക സഖ്യത്തിൽ ഫിൻലൻഡ് ഔദ്യോഗികമായി ചേർന്നു. ഫിന്നിഷ് വിദേശകാര്യ മന്ത്രി പെക്ക ഹാവിസ്റ്റോ ബ്രസൽസിലെ നാറ്റോ ആസ്ഥാനത്ത് യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കന് ഔദ്യോഗിക രേഖ കൈമാറി പ്രവേശന നടപടികൾ പൂർത്തിയാക്കി. റഷ്യയുമായി 1,340 കിലോമീറ്റര് അതിര്ത്തി പങ്കിടുന്ന ഫിന്ലന്ഡിന് നാറ്റോ അംഗത്വം ആശ്വാസകരമാണ്.
നാറ്റോയിലെ 31-ാമത്തെ അംഗമാണു ഫിൻലൻഡ്. യുക്രെയ്നിൽ റഷ്യ നടത്തിയ അധിനിവേശത്തെത്തുടർന്നാണ് ഫിൻലൻഡും സ്വീഡനും നാറ്റോയിൽ അംഗ ത്വത്തിന് അപേക്ഷ നല്കിയത്. എന്നാൽ, തുർക്കിയും ഹംഗറിയും സമ്മതം നല്കിയില്ല.
പിന്നീട് ഇരു രാജ്യങ്ങളും ഫിൻലൻഡിന് അംഗത്വം നല്കാൻ സമ്മതം അറിയിച്ചു. സ്വീഡനും വൈകാതെ നാറ്റോ അംഗത്വം ലഭിക്കുമെന്നാണു പ്രതീക്ഷ.
നാറ്റോയിൽ ഇനി ഫിൻലൻഡും
09:49 PM Apr 04, 2023 | Deepika.com