കോഴിക്കോട്: യാത്രക്കാരൻ ഓടുന്ന ട്രെയിനിൽ പെട്രോൾ ഒഴിച്ച് തീവച്ചു. ആലപ്പുഴ-കണ്ണൂർ എക്സിക്യൂട്ടീവ് എക്സ്പ്രസ് ട്രെയിനിലായിരുന്നു സംഭവം. കോഴിക്കോട് ഏലത്തൂർ സ്റ്റേഷനു സമീപം രാത്രി ഓൻപതിനു ശേഷമാണ് അക്രമം അരങ്ങേറിയത്.
ഡി 1 കമ്പാർട്ട്മെന്റിലാണ് തീവച്ചത്. സംഭവത്തിൽ നാല് പേർക്ക് പൊള്ളലേറ്റു. ഇവരെ ആശുപത്രിയിലേക്ക് മാറ്റി. ഏലത്തൂർ സ്റ്റേഷൻ വിട്ടതിനു ശേഷം ഡി 1 ൽ യാത്രക്കാർ തമ്മിൽ വാക്കുതർക്കം ഉണ്ടാകുകയും ഒരാൾ പെട്രോൾ ഒഴിച്ച് ട്രെയിനിനുള്ളിൽ തീവയ്ക്കുകയുമായിരുന്നെന്നാണ് വിവരം.
കോരപ്പുഴ പാലത്തിൽ കയറുമ്പോഴാണ് തീ പടരുകയും യാത്രക്കാർ അപായ ചങ്ങലവലിച്ച് ട്രെയിൻ നിർത്തുകയും ചെയ്തത്. തീപടര്ന്നെങ്കിലും പെട്ടെന്നു അണയ്ക്കാനായത് രക്ഷയായി.
അക്രമി ഓടി രക്ഷപ്പെട്ടെന്നാണ് അറിയാൻ കഴിയുന്നത്. ഇയാൾക്കായി പോലീസ് തെരച്ചിൽ ആരംഭിച്ചു.
കോഴിക്കോട് യാത്രക്കാരൻ ഓടുന്ന ട്രെയിനിൽ പെട്രോൾ ഒഴിച്ച് തീവച്ചു
01:47 AM Apr 03, 2023 | Deepika.com