കോഴിക്കോട്: ആനിഹാള് റോഡിലുള്ള ജയലക്ഷ്മി സില്ക്സില് വന് തീപിടിത്തം. രാവിലെ ആറിനാണ് തീപിടിത്തമുണ്ടായത്.
നാലാം നിലയില് അഗ്നിബാധ കണ്ട ജീവനക്കാര് തീയണയ്ക്കാന് ശ്രമിച്ചെങ്കിലും സാധിച്ചില്ല. കടയുടെ സമീപം പാര്ക്ക് ചെയ്തിരുന്ന രണ്ട് കാറുകളും കത്തി നശിച്ചു. വിവരമറിയിച്ചതിനെത്തുടര്ന്ന് ആദ്യം മൂന്ന് യൂണിറ്റ് ഫയര് ഫോഴ്സ് സ്ഥലത്തെത്തി.
തീ നിയന്ത്രണ വിധേയമല്ലാത്തതിനാല് പിന്നീട് കൂടുതല് യൂണിറ്റുകള് സ്ഥലത്തെത്തി. നിലവില് തീ നിയന്ത്രണ വിധേയമാണെന്നാണ് റിപ്പോര്ട്ട്. ഷോര്ട്ട് സര്ക്യൂട്ടാകാം തീപിടിത്തത്തിന് കാരണമെന്നാണ് പ്രാഥമിക നിഗമനം.
കോഴിക്കോട്ട് തുണിക്കടയില് വന് തീപിടിത്തം
11:30 AM Apr 01, 2023 | Deepika.com