തിരുവനന്തപുരം: ദേവികുളത്ത് ഉപതെരഞ്ഞെടുപ്പ് വേണമെന്ന് ആവശ്യപ്പെട്ട് തെരഞ്ഞെടുപ്പ് കമ്മീഷന് കത്ത് നൽകി കെപിസിസി അധ്യക്ഷൻ കെ.സുധാകരന്. മണ്ഡലത്തിലെ തെരഞ്ഞെടുപ്പ് ഫലം റദ്ദാക്കിയ ഹൈക്കോടതി വിധി പൂര്ണ അര്ഥത്തില് നടപ്പിലാക്കാന് ആവശ്യപ്പെട്ടാണ് സുധാകരന് കത്തയച്ചത്.
ദേവികുളത്തെ ഫലം റദ്ദാക്കിയ ഹൈക്കോടതി വിധിക്കുമേല് സുപ്രീംകോടതിയെ സമീപിക്കാന് എ. രാജയ്ക്ക് പത്തുദിവസം സമയപരിധി അനുവദിച്ചിരുന്നു. എന്നാല് അനുകൂല ഉത്തരവ് സുപ്രീംകോടതിയില് നിന്ന് ലഭിക്കാത്ത സാഹചര്യത്തില് ജനപ്രാതിനിധ്യ നിയമം 107-ാം വകുപ്പ് പ്രകാരം അദ്ദേഹം അയോഗ്യനായതിനാല് ഹൈക്കോടതി വിധി നടപ്പിലാക്കണമെന്നാണ് കത്തിലൂടെ സുധാകരന് തെരഞ്ഞെടുപ്പ് കമ്മീഷനോട് ആവശ്യപ്പെട്ടത്.
ദേവികുളത്ത് ഉപതെരഞ്ഞെടുപ്പ് വേണം; ഇലക്ഷൻ കമ്മീഷനെ സമീപിച്ച് കെ. സുധാകരന്
09:11 PM Mar 31, 2023 | Deepika.com