തിരുവനന്തപുരം: മുൻ ധനമന്ത്രി കെ.എം.മാണിയുടെ ബജറ്റ് പ്രസംഗത്തിനിടെ 2015 മാർച്ച് 13നു നടന്ന അക്രമവുമായി ബന്ധപ്പെട്ട കേസിൽ മന്ത്രി വി. ശിവൻകുട്ടി അടക്കമുള്ള ഇടതു നേതാക്കൾ ഈ മാസം 27നു നേരിട്ടു ഹാജരാക്കണം. കേസിൽ കുറ്റപത്രം വായിക്കുവാൻ വേണ്ടിയാണ് കോടതി പ്രതികളെ ഹാജരാകാൻ നിർദേശിച്ചത്.
തിരുവനന്തപുരം ചീഫ് ജുഡീഷൽ മജിസ്ട്രേറ്റ് കോടതിയുടേതാണ് ഉത്തരവ്. മന്ത്രി വി. ശിവൻകുട്ടി, അന്നു നിയമസഭയിൽ ഇടതുപക്ഷ അംഗങ്ങളായിരുന്ന ഇ.പി.ജയരാജൻ, കെ.ടി.ജലീൽ, കെ.അജിത്, കെ.കുഞ്ഞഹമ്മദ്, സി.കെ.സദാശിവൻ എന്നിവരാണ് കേസിലെ പ്രതികൾ.
അന്നു ധനമന്ത്രി ആയിരുന്ന കെ.എം.മാണി ബജറ്റ് അവതരിപ്പിക്കുന്നത് തടയാൻ ആക്രമണം നടത്തി 2.20 ലക്ഷം രൂപയുടെ നഷ്ടം വരുത്തി എന്നാണ് പോലീസ് കേസ്.
നിയമസഭാ കൈയാങ്കളി കേസ്: മുഴുവൻ പ്രതികളും 27 ന് നേരിട്ടു ഹാജരാക്കണം
08:40 PM Mar 22, 2023 | Deepika.com