മുംബൈ: മുംബൈയിൽ വിദേശ വനിത പീഡനത്തിനിരയായി. അംബോലി മേഖലയിൽ വച്ച് പോളണ്ടുകാരിയായ യുവതിക്ക് നേരെയാണ് ലൈംഗീകാതിക്രമമുണ്ടായത്.
സംഭവവുമായി ബന്ധപ്പെട്ട് അംബോലി പോലീസ് സ്റ്റേഷനിൽ മനീഷ് ഗാന്ധി എന്നയാൾക്കെതിരെ കേസ് രജിസ്റ്റർ ചെയ്തിട്ടുണ്ടെന്ന് മുംബൈ പോലീസ് അറിയിച്ചു. 2016നും 2022നും ഇടയിലാണ് സംഭവം.
യുവതിയുടെ സ്വകാര്യ ചിത്രങ്ങൾ കൈവശപ്പെടുത്തിയ പ്രതി, ഇത് സോഷ്യൽ മീഡിയയിലൂടെ പുറത്തുവിടുമെന്ന് ഭീഷണിപ്പെടുത്തിയിരുന്നുവെന്നും പോലീസ് കണ്ടെത്തി. പ്രതിയെ ഉടൻ കണ്ടെത്തുമെന്നും അന്വേഷണം ശക്തമാക്കിയതായും പോലീസ് അറിയിച്ചു.
മുംബൈയിൽ വിദേശ വനിത പീഡനത്തിനിരയായി
10:01 AM Mar 12, 2023 | Deepika.com