തിരുവനന്തപുരം: ആന്ധ്രയിൽ നിന്നുള്ള ജയ അരി ഏപ്രിൽ പകുതിയോടെ കേരളത്തിൽ എത്തുമെന്ന് മന്ത്രി ജി.ആർ. അനിൽ അറിയിച്ചു. ആവശ്യത്തിന് ഉത്പാദിപ്പിച്ചാൽ ജയ അരി സപ്ലൈകോ വഴി വാങ്ങാൻ തയാറാണെന്ന് കേരളം അറിയിച്ചിരുന്നു. കേരളം ആവശ്യപ്പെട്ട പ്രകാരമാണ് ജയ നെല്ല് കൃഷി ചെയ്യാൻ ആന്ധ്രയിലെ കർഷകർ തയാറായത്.
ഗോതന്പ് നിർത്തലാക്കിയതിനു പകരം കേന്ദ്രം 991 മെട്രിക് ടണ് റാഗി അനുവദിച്ചിട്ടുണ്ട്. ഇത് മില്ലിലെത്തിച്ചു പൊടിച്ച് അടുത്തമാസത്തോടെ റേഷൻ കടകളിലൂടെ ഒരു കിലോ പായ്ക്കിലാക്കി റാഗിപ്പൊടി വിതരണം ചെയ്യും. മുൻഗണനേതര കാർഡുകാർക്കായി അനുവദിച്ച ഗോതന്പ് മാർച്ചിൽ വിതരണം ചെയ്യാൻ കഴിയുമെന്നാണ് പ്രതീക്ഷിക്കുന്നതെന്നും മന്ത്രി പറഞ്ഞു.
ജയ അരി അടുത്തമാസം എത്തും: മന്ത്രി ജി.ആർ. അനിൽ
10:27 PM Mar 10, 2023 | Deepika.com