തൃശൂര്: തളിക്കുളത്ത് കടലിൽ കുളിക്കാനിറങ്ങിയ വിദേശി തിരയിൽപ്പെട്ട് മുങ്ങി മരിച്ചു. ഓസ്ട്രിയ പൗരൻ ജെർഹാർഡ് പിന്റർ (76) ആണ് മരിച്ചത്. ഇന്ന് വൈകുന്നേരം തളിക്കുളം ബീച്ചിലായിരുന്നു സംഭവം.
മാർച്ച് നാലിന് ജെർഹാർഡ് പിന്ററും കുടംബവും പഞ്ചകർമ്മ ചികിത്സക്കായി തളിക്കുളത്തെ സ്വകാര്യ റിസോർട്ടിൽ എത്തിയതായിരുന്നു.
മൃതദേഹം തൃശൂർ മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി. തുടർ നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടു നൽകും.
തൃശൂരിൽ കടലിൽ കുളിക്കുന്നതിനിടെ വിദേശി മുങ്ങിമരിച്ചു
11:54 PM Mar 09, 2023 | Deepika.com