ഇ​ന്തോ​നേ​ഷ്യ​ൻ സ്റ്റേ​ഡി​യം ദു​ര​ന്തം; ര​ണ്ട് പേ​ർ​ക്ക് ത​ട​വു​ശി​ക്ഷ

ജ​ക്കാ​ർ​ത്ത: ഇ​ന്തോ​നേ​ഷ്യ​യി​ല്‍ ഫു​ട്ബോ​ൾ മ​ത്സ​ര​ത്തി​നി​ടെ​യു​ണ്ടാ​യ സം​ഘ​ർ​ഷ​ത്തെ​ത്തു​ട​ർ​ന്ന് 174 പേർ മ​രി​ച്ച സം​ഭ​വ​ത്തി​ൽ കു​റ്റ​ക്കാ​രെ​ന്ന് ക​ണ്ടെ​ത്തി​യ ര​ണ്ട് മ​ത്സ​ര സം​ഘാ​ട​ക​ർ​ക്ക് ത​ട​വു​ശി​ക്ഷ വി​ധി​ച്ച് കോ​ട​തി.

സം​ഘാ​ട​ക സ​മി​തി ത​ല​വ​ൻ അ​ബ്ദു​ൾ ഹാ​രി​സ്, സു​ര​ക്ഷാ ജീ​വ​ന​ക്കാ​ര​ൻ സു​കോ സു​ട്രി​സ്നോ എ​ന്നി​വ​ർ​ക്കെ​തി​രെ​യാ​ണ് ന​ട​പ​ടി. കൃ​ത്യ​വി​ലോ​പ ആ​രോ​പ​ണം നേ​രി​ട്ട ഇ​രു​വ​രും ഒ​ന്ന​ര വ​ർ​ഷം ത​ട​വു​ശി​ക്ഷ അ​നു​ഭ​വി​ക്ക​ണ​മെ​ന്ന് കോ​ട​തി അ​റി​യി​ച്ചു. ശി​ക്ഷ​യ്ക്കെ​തി​രെ അ​പ്പീ​ൽ ന​ൽ​കു​മെ​ന്ന് കു​റ്റാ​രോ​പി​ത​ർ അ​റി​യി​ച്ചു.

കി​ഴ​ക്ക​ൻ ജാ​വ​യി​ലെ മ​ലം​ഗി​ൽ ഫു​ട്ബോ​ൾ‌ സ്റ്റേ​ഡി​യ​ത്തി​ൽ 2022 ഒ​ക്ടോ​ബ​റി​ലാ​ണ് അ​പ​ക​ടം സം​ഭ​വി​ച്ച​ത്. അ​രേ​മ എ​ഫ്‌​സി​യും പെ​ർ​സെ​ബ​യ സു​ര​ബാ​യ​യും ത​മ്മി​ലു​ള്ള മ​ത്സ​ര​ത്തി​ന് ശേ​ഷം കാ​ണി​ക​ൾ ക​ലാ​പം അ​ഴി​ച്ചു​വി​ടു​ക​യാ​യി​രു​ന്നു.

മ​ത്സ​ര​ത്തി​ൽ തോ​റ്റ അ​രേ​മ എ​ഫ്സി​യു​ടെ ആ​രാ​ധ​ക​രു​ടെ രോ​ഷ​പ്ര​ക​ട​ന​മാ​ണ് കു​ഴ​പ്പം സൃ​ഷ്ടി​ച്ച​ത്. മ​ല്‍​സ​ര​ശേ​ഷം മൈ​താ​ന​ത്തേ​ക്ക് ഇ​ര​ച്ചു​ക​യ​റി​യ കാ​ണി​ക​ളെ ഒ​ഴി​പ്പി​ക്കാ​ന്‍ പോ​ലീ​സ് ക​ണ്ണീ​ര്‍​വാ​ത​കം പ്ര​യോ​ഗി​ച്ചു. ഇ​തി​നി​ടെ​യാ​ണ് ആ​ളു​ക​ള്‍ തി​ക്കി​ലും തി​ര​ക്കി​ലും പെ​ട്ട​ത്.

ഫൈ​ന​ൽ വി​സി​ൽ മു​ഴ​ങ്ങി​യ​തും കാ​ണി​ക​ൾ മൈ​താ​ന​ത്തേ​ക്ക് ഇ​ര​ച്ചു​ക​യ​റു​ക​യാ​യി​രു​ന്നു. മ​രി​ച്ച​വ​രി​ൽ ര​ണ്ട് പോ​ലീ​സു​കാ​രും ഉ​ൾ​പ്പെ​ടു​ന്നു. 34 പേ​ർ മൈ​താ​ന​ത്തു ത​ന്നെ മ​രി​ച്ചു​വീ​ണു. മ​റ്റു​ള്ള​വ​ർ ആ​ശു​പ​ത്രി​യി​ൽ എ​ത്തി​യ ശേ​ഷ​മാ​ണ് മ​രി​ച്ച​ത്. ഒ​രു വാ​തി​ലി​ലൂ​ടെ ത​ന്നെ പു​റ​ത്തി​റ​ങ്ങാ​ൻ ആ​ളു​ക​ൾ തി​ക്കി​ത്തി​ര​ക്കി​യ​താ​ണ് അ​പ​ക​ട​ത്തി​നു കാ​ര​ണ​മാ​യ​ത്.