കൊച്ചി: അന്താരാഷ്ട്ര വിമാനത്താവളത്തിൽ സ്വർണം കടത്താൻ ശ്രമിച്ച എയർ ഇന്ത്യ കാബിൻ ക്രൂ അംഗം പിടിയിലായി. വയനാട് സ്വദേശി ഷാഫി ആണ് പിടിയിലായത്.
ഷാഫിയുടെ ശരീരത്തിൽ ഒളിപ്പിച്ച നിലയിൽ 1487 ഗ്രാം സ്വർണം പിടികൂടി. ബഹ്റൈൻ - കൊച്ചി റൂട്ടിൽ സർവീസ് നടത്തിയ വിമാനത്തിലെ ക്രൂ അംഗമായ ഷാഫി, കൈകളിൽ സ്വർണമിശ്രിതം ചുറ്റി വച്ചശേഷം ഷർട്ടിന്റെ കൈ മൂടി ഗ്രീൻ ചാനലിലൂടെ കടക്കാനാണ് പദ്ധതിയിട്ടത്.
വിമാനക്കമ്പനി ജീവനക്കാരൻ സ്വർണം കടത്തുന്നുവെന്ന രഹസ്യവിവരത്തെത്തുടർന്ന് കസ്റ്റംസ് നടത്തിയ പരിശോധനയിലാണ് ഇയാൾ പിടിയിലായത്.
സ്വർണം കടത്താൻ ശ്രമിച്ച വിമാനക്കമ്പനി ജീവനക്കാരൻ പിടിയിൽ
08:22 PM Mar 08, 2023 | Deepika.com