തിരുവനന്തപുരം: ലഹരി മാഫിയക്ക് എതിരായ വാര്ത്തയില് എസ്എഫ്ഐ എന്തിനാണ് പ്രതിഷേധിക്കുന്നതെന്ന് പി.സി.വിഷ്ണുനാഥ് നിയമസഭയില്. ലഹരിമാഫിയക്കെതിരെ വാര്ത്ത വന്നാല് വിറളി പിടിക്കേണ്ടത് ലഹരിമാഫിയക്കല്ലേ എന്നും എംഎല്എ ചോദിച്ചു.
ഏഷ്യാനെറ്റ് ഓഫിസിലേക്ക് എസ്എഫ്ഐ പ്രവര്ത്തകര് അതിക്രമിച്ച് കയറിയ വിഷയം ചര്ച്ച ചെയ്യണമെന്ന് ആവശ്യപ്പെട്ടുള്ള അടിയന്തരപ്രമേയത്തില് സംസാരിക്കുകയായിരുന്നു വിഷ്ണുനാഥ്.
ലഹരിസംഘങ്ങള്ക്കെതിരായ വാര്ത്ത സര്ക്കാരിനെതിരായ ഗൂഢാലോചന എന്നാണ് പി.വി.അന്വന് നല്കിയ പരാതിയില് പോലീസ് രജിസ്റ്റര് ചെയ്ത എഫ്ആെറില് പറയുന്നത്. ലഹരിമാഫിയയ്ക്കെതിരായ വാര്ത്ത എങ്ങനെ സര്ക്കാരിനെതിരാകുമെന്നും എംഎല്എ ചോദ്യമുന്നയിച്ചു.
ചാനലിന്റെ ഓഫീസില് ക്രൈം ബ്രാഞ്ച് റെയ്ഡ് നടത്തിയതിനെയും എംഎല്എ വിമര്ശിച്ചു. ബിബിസിയില് നടന്ന റെയ്ഡിന് പിന്നാലെ സിപിഎം കേന്ദ്രകമ്മിറ്റി പുറത്തിറക്കിയ പത്രക്കുറിപ്പുണ്ട്. ആ പ്രസ്താവനയില് മോദി എന്ന ഭാഗം ഒഴിവാക്കി പിണറായിയെന്നും ഇഡി എന്ന ഭാഗം ഒഴിവാക്കി കേരള പോലീസ് എന്നുമാക്കിയാല് ആ നോട്ടീസ് അതേ പോലെ ഇറക്കാം എന്നും വിഷ്ണുനാഥ് വിമർശിച്ചു.
ലഹരി മാഫിയക്കെതിരായ വാര്ത്ത എങ്ങനെ സര്ക്കാരിനെതിരാകും: പി.സി.വിഷ്ണുനാഥ്
03:11 PM Mar 06, 2023 | Deepika.com