ലക്നോ: ഉത്തർപ്രദേശിൽ മുൻ എംഎൽഎയുടെ മക്കളുടെ ഉടമസ്ഥതയിലുള്ള വീട് ഇടിച്ചു നിരത്തി. മൗവിൽ നിന്നുള്ള മുൻ എംഎൽഎയും ജയിലിൽ കഴിയുന്ന ഗുണ്ടാനേതാവുമായ മുഖ്താർ അൻസാരിയുടെ മക്കളുടെ മൗ ജില്ലയിലെ ഇരുനില വീടാണ് അധികൃതർ തകർത്തത്.
അൻസാരിയുടെ മക്കളായ ഉമർ അൻസാരിയുടെയും അബ്ബാസിന്റെയും ഉടമസ്ഥതയിലുള്ള ഈ വീട് പൊളിച്ച് നീക്കാൻ ജില്ലാ മജിസ്ട്രേറ്റാണ് ഉത്തരവിട്ടത്. വീടിരിക്കുന്ന സ്ഥലം മറ്റൊരാളുടേതാണെന്നും വീടിന്റെ പ്ലാനിന് അംഗീകാരം ലഭിച്ചിരുന്നില്ലെന്നും അധികൃതർ വ്യക്തമാക്കി.
ജഹാംഗീരാബാദ് പ്രദേശത്തെ ദഖിൻ തോല പോലീസ് സ്റ്റേഷന്റെ പരിധിയിലാണ് വീടിരുന്നത്. മൗവിൽ നിന്നുള്ള സുഹേൽദേവ് ഭാരതീയ സമാജ് പാർട്ടിയുടെ (എസ്ബിഎസ്പി) എംഎൽഎയായിരുന്ന അബ്ബാസ് അൻസാരി കള്ളപ്പണം വെളുപ്പിക്കൽ കേസിൽ കഴിഞ്ഞ മൂന്ന് മാസമായി ജയിലിൽ കഴിയുകയാണ്. ഇയാൾ ഇപ്പോൾ കാസ്ഗഞ്ച് ജില്ലാ ജയിലിലാണ് കഴിയുന്നത്.
യുപിയിൽ മുൻ എംഎൽഎയുടെ മക്കളുടെ വീട് ഇടിച്ചുനിരത്തി
02:56 AM Mar 05, 2023 | Deepika.com