ഷില്ലോംഗ്: മേഘാലയയിൽ സർക്കാർ രൂപീകരിക്കാൻ കോൺറാഡ് സാങ്മയെ ക്ഷണിച്ച് ഗവർണർ ഫാഗു ചൗഹാൻ. ചൊവ്വാഴ്ച രാവിലെ 11ന് രാജ്ഭവനിൽ സത്യപ്രതിജ്ഞ ചടങ്ങ് നടക്കും. 32 എംഎൽഎമാരുടെ പിന്തുണയുണ്ടെന്ന് സാങ്മ ഗവർണറെ അറിയിച്ചിരുന്നു.
32 എംഎല്എമാര് ഒപ്പിട്ട് കത്തും കോണ്റാഡ് സാങ്മ ഗവര്ണര്ക്ക് കഴിഞ്ഞ ദിവസം കൈമാറിയിരുന്നു. ഇതിനുപിന്നാലെയാണ് സര്ക്കാര് രൂപീകരിക്കുന്നതിനു ഗവര്ണര് സാങ്മയെ ക്ഷണിച്ചത്.
സത്യപ്രതിജ്ഞ ചടങ്ങിൽ പ്രധാനമന്ത്രി നരേന്ദ്ര മോദിയും കേന്ദ്ര ആഭ്യന്തരമന്ത്രി അമിത് ഷായും മറ്റ് നേതാക്കളും ചടങ്ങിൽ പങ്കെടുക്കും. 60 അംഗ നിയമസഭയിൽ 26 സീറ്റിലാണ് എൻപിപി ജയിച്ചത്.
കേവല ഭൂരിപക്ഷമില്ലെങ്കിലും നാഷണല് പീപ്പിള്സ് പാര്ട്ടിയാണ് മേഘാലയയിലെ ഏറ്റവും വലിയ ഒറ്റകക്ഷി. രണ്ട് സീറ്റുള്ള ബിജെപിക്ക് പുറമേ രണ്ട് സീറ്റുള്ള ഹില് സ്റ്റേറ്റ് പീപ്പിള്സ് ഡെമോക്രാറ്റിക് പാര്ട്ടിയും രണ്ട് സ്വതന്ത്ര എംഎല്എമാരും സാങ്മയ്ക്ക് നേരത്തെ പിന്തുണ പ്രഖ്യാപിച്ചിരുന്നു. എന്നാല് എന്പിപിക്ക് പിന്തുണയില്ലെന്ന് ഹില് സ്റ്റേറ്റ് പീപ്പിള്സ് ഡെമോക്രാറ്റിക് പാര്ട്ടി പിന്നീട് വ്യക്തമാക്കി.
മേഘാലയയിൽ സർക്കാർ രൂപീകരിക്കാൻ കോൺറാഡ് സാങ്മയ്ക്ക് ക്ഷണം
10:02 PM Mar 04, 2023 | Deepika.com