മുംബൈ: ലോക്കൽ ട്രെയിനിന്റെ ലഗേജ് കംപാർട്ട്മെന്റിൽ യാത്രികർ തമ്മിലുണ്ടായ സംഘർഷത്തിൽ വയോധികൻ മരിച്ചു. മുംബൈ പോർട്ട് ട്രസ്റ്റ് മുൻ ജീവനക്കാരൻ ബബൻ ഹാന്ഡെ(65) ആണ് മരിച്ചത്.
സെൻട്രൽ റെയിൽവേ ലൈനിലെ കല്യാൺ - ടിറ്റ്വാല റൂട്ടിൽ സർവീസ് നടത്തുന്ന ട്രെയിനിലാണ് സംഭവം നടന്നത്. ലഗേജ് കംപാർട്ട്മെന്റിൽ മറ്റൊരു യാത്രികനുമായി ഉണ്ടായ തർക്കത്തിനിടെ തലയ്ക്കടിയേറ്റാണ് ഹാൻഡെ മരണപ്പെട്ടത്.
രക്തം വാർന്ന് മരിച്ച നിലയിൽ കംപാർട്ട്മെന്റിനുള്ളിൽ നിന്ന് വെള്ളിയാഴ്ച പുലർച്ചെയാണ് ഹാൻഡെയുടെ മൃതദേഹം കണ്ടെത്തിയത്. ഹാൻഡെയെ ആക്രമിച്ചയാളെ യാത്രികർ ചേർന്ന് പിടികൂടി പോലീസിലേൽപ്പിച്ചു.
മുംബൈ ലോക്കൽ ട്രെയിനിൽ സംഘർഷം; വയോധികൻ മരിച്ചു
06:16 PM Mar 03, 2023 | Deepika.com