കൊച്ചി: ബ്രഹ്മപുരം മാലിന്യ പ്ലാന്റിൽ തീപിടിത്തമുണ്ടായതിൽ ദുരൂഹതയുണ്ടെന്ന് ആരോപണവുമായി സിപിഐ. കരാർ കമ്പനിയുടെ കാലാവധി തീർന്നതിന് പിറ്റേന്നാണ് തീപിടിത്തമുണ്ടായതെന്നും കരാർ നീട്ടിനൽകാനുള്ള മേയർ എം.അനിൽകുമാറിന്റെ ഗൂഢാലോചനയുടെ ഭാഗമാണ് ഇതെന്നും സിപിഐ കൊച്ചി കോര്പ്പറേഷന് പാര്ലമെന്ററികാര്യ സെക്രട്ടറി സി.എ.ഷക്കീര് പറഞ്ഞു.
ടെന്ഡര് നടപടികള് അട്ടിമറിച്ചെന്നും എല്ഡിഎഫില് കൂട്ടായ ചര്ച്ചകൾ നടക്കുന്നില്ലെന്നും ഷക്കീര് കൂട്ടിച്ചേർത്തു. കൊച്ചി മേയറും സിപിഎം നേതാവുമായ എം.അനിൽകുമാറിനെതിരേ നേരത്തെയും സിപിഐ പല വിഷയങ്ങളിലും ആരോപണമുന്നയിച്ചിരുന്നു.
വ്യാഴാഴ്ച രാത്രിയാണ് ബ്രഹ്മപുരം മാലിന്യ പ്ലാന്റിൽ തീപിടിത്തമുണ്ടായത്. കൂട്ടിയിട്ടിരുന്ന മാലിന്യത്തിനാണ് തീപിടിച്ചത്.
മാലിന്യ പ്ലാന്റിലെ തീപിടിത്തം: ദുരൂഹതയുണ്ടെന്ന് ആരോപണവുമായി സിപിഐ
12:07 PM Mar 03, 2023 | Deepika.com