ജറുസലേം: സംഘര്ഷം രൂക്ഷമായ വെസ്റ്റ് ബാങ്കിലുണ്ടായ വെടിവയ്പിൽ ഇസ്രേലി വംശജനായ അമേരിക്കൻ പൗരൻ കൊല്ലപ്പെട്ടു. ജെറിക്കോ നഗരത്തിനടുത്തുള്ള ഹൈവേയിൽ വാഹനങ്ങൾക്ക് നേരെയുണ്ടായ ആക്രമണത്തിലാണ് ഇയാൾ കൊല്ലപ്പെട്ടത്. യുഎസ് അംബാസഡർ ടോം നൈഡ്സ് വിവരം സ്ഥിരീകരിച്ചു.
പലസ്തീൻ ആക്രമണത്തിൽ ഞായറാഴ്ച രണ്ട് ഇസ്രേലികൾ കൊല്ലപ്പെട്ടിരുന്നു. ഇസ്രേലികൾ കൊല്ലപ്പെട്ടതിനെത്തുടർന്നുണ്ടായ സംഘർഷത്തിൽ ഞായറാഴ്ച രാത്രിയോടെ ഒരു പലസ്തീൻകാരൻ കൊല്ലപ്പെട്ടിരുന്നു. നിരവധി കാറുകളും വീടുകളും പ്രതിഷേധക്കാർ അഗ്നിക്കിരയാക്കി.
കഴിഞ്ഞ ദിവസം നാബ്ളൂസിൽ ഇസ്രേലി സൈന്യം നടത്തിയ റെയ്ഡിൽ 11 പലസ്തീൻകാർ കൊല്ലപ്പെട്ടിരുന്നു. ഇതിനു തിരിച്ചടിയായാണ് ഇസ്രേലികളെ ആക്രമിച്ചതെന്ന് ഹമാസ് പറയുന്നു.
വെസ്റ്റ് ബാങ്ക് അശാന്തം; വെടിവയ്പിൽ ഇസ്രേലി-അമേരിക്കൻ കൊല്ലപ്പെട്ടു
06:55 AM Feb 28, 2023 | Deepika.com