പാരിസ്: ഫിഫ ദ ബെസ്റ്റ് പുരസ്കാര ചടങ്ങിൽ പ്രഖ്യാപിച്ച പുരുഷ, വനിതാ ലോക ഇലവനുകളിൽ നിറഞ്ഞാടി സൂപ്പർതാരങ്ങൾ.
പുരുഷ ഇലവനിൽ ലയണൽ മെസി, കിലിയൻ എംബാപ്പെ, കരിം ബെൻസേമ എന്നിവർ ഉൾപ്പെട്ടപ്പോൾ വനിതാ ടീമിൽ അലക്സിയ പുട്ട്യെയസ്, സാം കെർ എന്നിവർ ഇടംനേടി.
ക്രിസ്റ്റ്യാനോ റൊണാൾഡോയെ മറികടന്ന് 16-ാം തവണ ലോക ഇലവനിൽ ഉൾപ്പെട്ട മെസി പുതിയ റിക്കാർഡ് കുറിച്ചു. 15 തവണ ഫിഫ ഇലവനിൽ ഉൾപ്പെട്ട റോണോ, 2006-ന് ശേഷം ആദ്യമായി ആണ് പട്ടികയിൽ നിന്ന് പുറത്താകുന്നത്. ലൂക്കാ മോഡ്രിച്ച് ആറാം തവണയും ഇലവനിൽ സ്ഥാനം കണ്ടെത്തി.
ഫിഫ പുരുഷ ഇലവൻ
ഗോൾകീപ്പർ: തിബോ കോർട്ട്വാ (റയൽ മാഡ്രിഡ്, ബെൽജിയം)
പ്രതിരോധനിര: ജാവോ കാൻസലോ (മാഞ്ചസ്റ്റർ സിറ്റി/ബയൺ മ്യൂണിക്ക്, പോർച്ചുഗൽ) അച്രഫ് ഹക്കിമി (പിഎസ്ജി, മൊറോക്കോ) വിർജിൽ വാൻ ഡൈക്ക് (ലിവർപൂൾ, നെതർലൻഡ്സ്)
മധ്യനിര: കാസെമിറോ (റയൽ മാഡ്രിഡ്/മാഞ്ചസ്റ്റർ യുണൈറ്റഡ്, ബ്രസീൽ) കെവിൻ ഡി ബ്രൂയ്ൻ (മാഞ്ചസ്റ്റർ സിറ്റി, ബെൽജിയം) ലൂക്കാ മോഡ്രിച്ച് (റയൽ മാഡ്രിഡ്, ക്രൊയേഷ്യ)
മുന്നേറ്റനിര: കരിം ബെൻസിമ (റയൽ മാഡ്രിഡ്, ഫ്രാൻസ്) എർലിംഗ് ഹാലൻഡ് (ബൊറൂസിയ ഡോർട്ട്മുണ്ട്/മാഞ്ചസ്റ്റർ സിറ്റി, നോർവേ) കിലിയൻ എംബാപ്പെ (പിഎസ്ജി, ഫ്രാൻസ്) ലയണൽ മെസി (പിഎസ്ജി, അർജന്റീന)
ഫിഫ വനിതാ ഇലവൻ
ഗോൾകീപ്പർ: ക്രിസ്റ്റ്യൻ എൻഡ്ലർ (ഒളിംപിക് ലിയോണൈസ്, ചിലി)
പ്രതിരോധനിര: ലൂസി വെംഗാലം (മാഞ്ചസ്റ്റർ സിറ്റി/ബാഴ്സലോണ, ഇംഗ്ലണ്ട്) മാപി ലിയോൺ (ബാഴ്സലോണ, സ്പെയിൻ) വെൻഡി റെനാർഡ് (ഒളിംപിക് ലിയോണ, ഫ്രാൻസ്) ലെയ വില്യംസൺ (ആഴ്സനൽ, ഇംഗ്ലണ്ട്)
മധ്യനിര: ലെന ഒബർഡോർഫ് (വൂൾഫ്സ്ബർഗ്, ജർമനി) അലക്സിയ പുട്ട്യെയസ് (ബാഴ്സലോണ, സ്പെയിൻ) കെയ്റ വാൽഷ് (മാഞ്ചസ്റ്റർ സിറ്റി/ബാഴ്സലോണ, ഇംഗ്ലണ്ട്)
മുന്നേറ്റനിര: സാം കെർ (ചെൽസി, ഓസ്ട്രേലിയ) അലക്സ് മോർഗൻ (ഒർലാൻഡോ പ്രൈഡ്/സാൻ ഡിയാഗോ വേവ്, യുഎസ്എ) ബെത്ത് മീഡ് (ആഴ്സനൽ, ഇംഗ്ലണ്ട്)
ഫിഫ ലോക ഇലവനിൽ സൂപ്പർതാരങ്ങൾ
05:28 AM Feb 28, 2023 | Deepika.com