ന്യൂഡൽഹി: മദ്യനയക്കേസിൽ ഡൽഹി ഉപമുഖ്യമന്ത്രി മനീഷ് സിസോദിയയെ അറസ്റ്റ് ചെയ്തതിനെതിരെ ആം ആദ്മി പാർട്ടി. അറസ്റ്റ് രാഷ്ട്രീയപ്രേരിതമാണെന്നും ബിജെപിയുടെ പകപോക്കലാണ് ഇതെന്നും ഡൽഹി മുഖ്യമന്ത്രി അരവിന്ദ് കേജരിവാൾ ആരോപിച്ചു.
ബിജെപിയുടെ വൃത്തികെട്ട രാഷ്ട്രീയമാണ് സിസോദിയുടെ അറസ്റ്റിന് പിന്നിലെന്ന് കേജരിവാൾ ട്വിറ്ററിലൂടെ അറിയിച്ചു. സിസോദിയ നിരപരാധിയാണെന്നും ഇവിടെ എന്താണ് നടക്കുന്നതെന്ന് രാജ്യത്തെ ജനങ്ങൾക്ക് മനസിലാകുമെന്നും അദ്ദേഹം പറഞ്ഞു. ജനങ്ങൾ പ്രതികരിക്കുമെന്നും പോരാട്ടം ശക്തിപ്പെടുമെന്നും കേജരിവാൾ കൂട്ടിച്ചേർത്തു.
അതേസമയം, അറസ്റ്റിനെതിരെ രാജ്യവ്യാപക പ്രതിഷേധത്തിന് ഒരുങ്ങുകയാണ് ആം ആദ്മി പാർട്ടി. എല്ലാ സംസ്ഥാനങ്ങളിലെയും ബിജെപി കാര്യാലയങ്ങൾക്ക് മുമ്പിൽ പ്രതിഷേധം സംഘടിപ്പിക്കുമെന്ന് പാർട്ടി അറിയിച്ചു.
"സിസോദിയയുടെ അറസ്റ്റ് രാഷ്ട്രീയപ്രേരിതം'; പ്രതിഷേധിക്കാൻ ആപ്പ്
11:22 PM Feb 26, 2023 | Deepika.com