ന്യൂഡൽഹി: സോണിയ ഗാന്ധിക്ക് തോൽവികളുടെ നിരാശയെന്ന് പരിഹസിച്ച് ബിജെപി. റായ്പൂരിലെ പ്ലിനറി സമ്മേളനത്തിൽ ആത്മപരിശോധനയ്ക്ക് കോൺഗ്രസ് തയാറായില്ല. സോണിയയുടെ പ്രസംഗം നിരാശാജനകമായിരുന്നെന്നും ബിജെപി നേതാവ് രവിശങ്കർ പ്രസാദ് പറഞ്ഞു.
രാജ്യത്തെ ജനങ്ങൾ കോൺഗ്രസിനെ തള്ളിക്കളഞ്ഞു. പിന്നെ എന്തിനാണ് അവർ തെരഞ്ഞെടുപ്പ് കമ്മീഷനെ കുറ്റപ്പെടുത്തുന്നത്. ആത്മപരിശോധനയ്ക്ക് കോൺഗ്രസ് തയാറല്ല. പകരം മോദിയെയും സ്ഥാപനങ്ങളെയും അപമാനിക്കാനാണ് അവർ ശ്രമിക്കുന്നത്.
സമൂഹത്തിലെ എല്ലാ വിഭാഗങ്ങളിലേക്കും വികസനം എത്തിച്ചത് മോദി സർക്കാരാണ്. സത്യസന്ധമായ ഭരണം കാരണമാണ് ഇത് സംഭവിച്ചത്. എന്നാൽ കോൺഗ്രസുകാർ കുറ്റംപറയാൻ മാത്രമാണ് നടക്കുന്നതെന്നും മുൻ കേന്ദ്രമന്ത്രി കൂടിയായ രവിശങ്കർ പ്രസാദ് കൂട്ടിച്ചേർത്തു.
കോൺഗ്രസ് തീർന്നു, സോണിയ നിരാശയിൽ: പരിഹസിച്ച് ബിജെപി
01:12 PM Feb 26, 2023 | Deepika.com