കോഴിക്കോട്: കുന്ദമംഗലം ബ്ലോക്ക് പഞ്ചായത്ത് അധ്യക്ഷ തെരഞ്ഞെടുപ്പിൽ എൽഡിഎഫിന് നാടകീയ ജയം. സിപിഎമ്മിലെ ടി.പി.മാധവനെ ബ്ലോക്ക് പഞ്ചായത്ത് അധ്യക്ഷനായി തെരഞ്ഞെടുത്തു. നറുക്കെടുപ്പിലൂടെയായിരുന്നു എൽഡിഎഫ് ജയം.
19 അംഗ ബ്ലോക്ക് പഞ്ചായത്തിൽ യുഡിഎഫിന് പത്തും എൽഡിഎഫിന് ഒൻപതും സീറ്റാണുള്ളത്. യുഡിഎഫിന്റെ ബ്ലോക്ക് പഞ്ചായത്ത് അധ്യക്ഷൻ ബാബു നെല്ലൂളി മുന്നണി ധാരണ പ്രകാരം രാജിവച്ചതോടെയാണ് തെരഞ്ഞെടുപ്പ് നടന്നത്. മുസ്ലിം ലീഗ് പ്രതിനിധി അരിയിൽ അലവിയെ അധ്യക്ഷ സ്ഥാനാർഥിയായി യുഡിഎഫ് പ്രഖ്യാപിക്കുകയും ചെയ്തു.
തെരഞ്ഞെടുപ്പിൽ ജയമുറപ്പിച്ച് ഇറങ്ങിയ യുഡിഎഫിന്റെ ഒരു അംഗത്തിന്റെ വോട്ട് അസാധുവായി. ഇതോടെ ഇരുപക്ഷത്തിനും തുല്യവോട്ടായി. തുടർന്ന് നടന്ന നറുക്കെടുപ്പിൽ ഭാഗ്യം എൽഡിഎഫിനെ തുണയ്ക്കുകയായിരുന്നു.
കുന്ദമംഗലം ബ്ലോക്ക് പഞ്ചായത്തിൽ എൽഡിഎഫിന് നാടകീയ ജയം
05:34 PM Feb 25, 2023 | Deepika.com