ന്യൂഡല്ഹി: പ്രധാനമന്ത്രി നരേന്ദ്ര മോദിയെ പരിഹസിച്ചതിന്റെ പേരില് കോണ്ഗ്രസ് ദേശീയ നേതാവ് പവന് ഖേരയെ അസം പോലീസ് കസ്റ്റഡിലെടുത്തു. കോണ്ഗ്രസ് പ്ലീനറി സമ്മേളനത്തിന് പോകാന് ഡല്ഹി വിമാനത്താവളത്തിലെത്തിയപ്പോഴാണ് അറസ്റ്റ്.
റായ്പൂരിലേക്ക് പോകാന് എത്തിയ പവന് ഖേരയെ ചെക് ഇന് ചെയ്തതിനു ശേഷം അധികൃതര് വിമാനത്തില്നിന്ന് ഇറക്കിവിട്ടിരുന്നു. ഇതിന് പിന്നാലെ അസം പോലീസ് എത്തി ഇദ്ദേഹത്തെ കസ്റ്റഡിയിലെടുക്കുകയായിരുന്നു. കോണ്ഗ്രസ് നേതാക്കള് ഇതിനെതിരെ വിമാനത്താവളത്തിന്റെ റണ്വേയില് കുത്തിയിരുന്ന് പ്രതിഷേധിച്ചു.
കഴിഞ്ഞ ദിവസമാണ് പ്രധാനമന്ത്രിയെ പരിഹസിച്ചെന്ന പരാതിയില് പവന് ഖേരയ്ക്കെതിരേ അസം പോലീസ് കേസെടുത്തത്. വാര്ത്താസമ്മേളനത്തിനിടെ പ്രധാനമന്ത്രിയെ നരേന്ദ്ര ഗൗതം ദാസ് മോദി എന്നു വിശേഷിപ്പിച്ചതിനാണ് കേസെടുത്തത്. സംഭവത്തില് ഖേരയ്ക്കെതിരെ യുപിയിലും കേസ് രജിസ്റ്റര് ചെയ്തിട്ടുണ്ട്.
മോദിക്കെതിരായ പരാമര്ശം: കോണ്ഗ്രസ് നേതാവ് അറസ്റ്റില്
04:44 PM Feb 23, 2023 | Deepika.com